बुखँ

येँ – थनया लाजिम्पाटय् म्हिगः युनिसेफया गाडीं ठक्कर नकाः मोटरसाइकल चालकयात घाःपाः याना बिउगु दु । घाःपाः जूम्ह चन्डोलय् च्वंम्ह १८ दँया ट्रपिस नेपाल खः । वयात आः राष्ट्रिय ट्रमा सेन्टरय् वासः याकातःगु दु । युनिसेफया ६६–०–००८२ नम्बरया कारं बाइकयात ठक्कर नकूगु खः । उकी लानाः बाइक टुक्रा टुक्रा हे जूगु दु । कार नेदरल्यान्डया नागरिकं चले याना वयाच्वंगु खँ प्रहरीं […]

येँ – उपप्रधान तथा स्वास्थ्यमन्त्री उपेन्द्र यादवं संघीय समाजवादी फोरम नेपालं संघर्षया लँपु अझं मत्वःतागु खँ धयादीगु दु । वयेधुंकूगु उपलब्धीया रक्षा यायेत व उकी हे दनाः काये ल्यं दनिगु अधिकार कयाः मधेसया विकास फोरम सरकारय् वनागु खँ वय्कलं कनादीगु दु । फोरमया पर्सा जिल्लां ग्वसाः ग्वःगु हना ज्याझ्वलय् न्ववायेगु झ्वलय् वय्कलं उगु खँ धयादीगु खः । कम्युनिष्ट […]

येँ – येँय्या स्थानीय सम्पदाप्रेमीतय्सं येँ महानगरपालिकायात घाँय् उपहार बिउगु दु । पुरातात्विक महत्वया लानिपुखू पुनर्निर्माण यायेगु ज्यायात वेवास्ता याःगु धासें थौंकन्हय् झारैझारया चौरय् परिणत लानिपुखूया वहे झार लिनाः म्हिगः मनपाय् लःल्हाये यंकूगु खः । मनपाया उपमेयर हरिप्रभा खड्गी श्रेष्ठयात ज्ञापन पौ सहित घाँय् लःल्हासें सम्पदाप्रेमीतय्सं लानिपुखूयात विज्ञ पुचःया सिफारिस कथं मल्लकालीन शैलीइ दयेकेत माग नं याःगु […]

लिपुलेकया मुद्दा ल्ह्वनेगु सुझाव वःगु खःसां ओली मौन येँ – न्यान्हुया चीन भ्रमणय् झाःम्ह प्रधानमन्त्री केपी ओली म्हिगः चीनया राजधानी बेइजिङ थ्यनेवं हे थीथी मनूत नापलायेगु ज्याय् व्यस्त जुयादीगु दु । चिनियाँ प्रधानमन्त्री ली खछ्यानया ब्वनाय् चीन झाःम्ह प्रम ओलीयात विमानस्थलय् विदेश मन्त्रालयया सहायक मन्त्री झुयान हान हुइं लसकुस यानादीगु खः । प्रम ओलीं चीनलिसे नेपाःया स्वापू […]

यल – लागू वासः विरुद्ध अभियान न्ह्याकेगु झ्वलय् सतक नाटक क्यनेगु ज्या जुल । प्रहरीलिसे जानाः अभियानया रुपय् न्ह्याका वयाच्वंगु लागू वासः दुव्र्यसनी विरुद्ध सतक नाटक थेच्वय् क्यंगु खः । लागू वासःया दुव्यर्सनीतय् ल्याः अप्वया वनाच्वंगुयात ध्यानय् तयाः ‘मेरो पाइला’ नांया सतक नाटक थेच्वय् च्वंगु श्री सरस्वति मा.वि.या प्रांगणय् क्यंगु खः । महानगरीय प्रहरी परिसर यलनाप जानाः दछितक […]

ख्वप – ख्वप नगरपालिकाया मेयर सुनील प्रजापतिं लिपि व भाय्या संरक्षण यायेगु ख्वप नगरपालिकाया योजना दुगु खँ धयादीगु दु । मेयर प्रजापतिं नेपाल लिपि, नेपालभाषा व नेपाल संस्कृतिया संरक्षण, प्रवद्र्धन व विकासया निंतिं ख्वप नगरपालिकां लखौं तका दांया सिरपाःया व्यवस्था याना वयाच्वनागु नं धयादीगु दु । ख्वप मिडिया सर्कलया ग्वसालय् जूगु ख्वप सांस्कृति सनिल–२०७५या उलेज्या यासें वय्कलं […]