बुखँ

येँ- स्वनिगःया नेवाःतय्त वयाच्वंगु विस्थापनया समस्यायात कयाः थौं छगू सहलह ज्याझ्वः जुइत्यंगु दु । थीथी लागाय् सतक विस्तार, थँबहिली छायादेवी कम्प्लेक्स निर्माण, फास्ट ट्राय्क, धरहराय् स्थानीय लागा अतिक्रमण, लगंख्यःया सप्तपाताल अतिक्रमण आदि मुद्दाय् नेवाः सरोकार क्यनेगु ताः तयाः उगु सहलह जुइत्यंगु खः । हलिं नेवाः दबू नेपाः देय् मूकवःया ग्वसालय् कोपुण्डोलया सातोआकी भवनय् जुइगु उगु सहलह मुँज्याय् […]

येँ (रासस)÷ वैदेशिक रोजगारीइ वंपिं बाँकेया १९४ म्ह मिस्त छेँजःपिंलिसे हे सम्पर्क विहीन जुयाच्वंगु दु । बांलाःगु ज्या दइगु लोभय् लालपाखें जःलाखःला देय् भारत व खाडी देशय् वंपिं थुपिं मिस्त सम्पर्कविहिन जुयाच्वंगु खः । वंगु दछि दुने १९४ म्ह मिस्तय् छेँजःपिंसं मालाबीगु निंतिं नेपालगंजय् च्वंगु माइती नेपालया ज्याकुथिइ निवेदन बिउवःगु खँ संस्थाया संयोजक केशव कोइरालां धयादिल । उमि […]

थिमि- राष्ट्रिय विभूति शंखधर साख्वाः प्रतिष्ठानया स्वक्वःगु अधिवेशन वंगु आइतवाः जुल । अधिवेशनं प्रतिष्ठानया न्हूगु ज्यासना पुचः नं ल्यःगु दु । चन्दनकृष्ण श्रेष्ठया नेतृत्वय् प्रतिष्ठानया न्हूगु ज्यासना पुचः ल्यःगु खः । न्हूगु ज्यासना पुचलय् ज्ञानराम श्रेष्ठ उपाध्यक्ष, ज्ञानकृष्ण श्रेष्ठ सचिव, बाबुकाजी श्रेष्ठ सहसचिव, सुरेश प्रधान कोषाध्यक्ष जुयादीगु दु । प्रतिष्ठानया निवर्तमान नायः श्यामकृष्ण मानन्धरं बियादीगु जानकारी कथं न्हूगु ज्यासना […]

येँ-  नेपाल राष्ट्रिय ज्ञानमाला समितिया नीप्यक्वःगु वार्षिक साधारणसभा च्वबहालय् च्वंगु सुलक्षण कीर्ति विहारय् जुल । समितिया केन्द्रीय नायः रमना श्रेष्ठया सभापतित्वय् जूगु ज्याझ्वःया उलेज्या मूपाहां वाङ्मय शताब्दी पुरुष सत्यमोहन जोशीं यानादीगु खः । विहार प्रमुख डा. अनोजा गुरुमांपाखें बोधिमत च्याकाः शीलप्रदान याना बिज्याःगु ज्याझ्वलय् सभापति श्रेष्ठं लसकुस यासें ज्ञानमाला भजनया विकास व विस्तारया निंतिं थीथी ज्याझ्वः न्ह्याका […]

ख्वप- थनया नांजाःगु नवदुर्गा द्यःयात झिंनिगः सिजःया त्यप छाःगु दु । नवदुर्गा देवगणया वसः सुरक्षित यानातयेगु निंतिं झिंनिम्ह द्यंगंछियात छगः छगः त्यप छाःगु खः । ख्वप नगरपालिका वडा नं. ५ छेँ जुयाः थौंकन्हय् वडा नं. ८ स्थित लिबालिबिइ च्वनाच्वंम्ह नारायणप्रसाद खाइतुं नवदुर्गा देवगणयात उगु सिजःया त्यप छानादीगु खः । नवदुर्गा देवगणया न्या लाकेगु जात्राया इलय् प्याखं क्यनेत आवश्यक […]

येँ (नेपालभाषा टाइम्स)÷ थनया पुलांगु बस पार्कय् दयेकाच्वंगु भ्यू टावरया ज्या दिनाच्वंगु खँ सीदुगु दु । येँ महानगरपालिकाया प्रवक्ता ईश्वरमान डंगोलं ‘नेपालभाषा टाइम्स’ लिसें खँ ल्हासें थौंकन्हय् भ्यू टावर दयेकेगु ज्या दिनाच्वंगु खँ कनादीगु खः । वय्कलं न्यादँया दुने भ्यू टावर दयेकेगु ज्या क्वचायेकेमाःगु खःसां नं दयेकेगु ज्या दिनाच्वंगुलिं भ्यू टावरया ज्या अनिश्चित जूगु खँ कनादीगु दु । […]