बुखँ

लुँया जलप तयाः हस्तकलाया मूर्ति दयेकेगु झ्वलय् मेमेगु क्षेत्रय् स्वयां झण्डै निदुगं अप्वः मात्राय् ‘पाःलाः’या उत्सर्जन÷निष्कासन जुइगु खने दुगु दु । वन तथा वातावरण मन्त्रालयं तयार याःगु ‘मीनामाता प्रारम्भिक मूल्यांकन प्रतिवेदन’ कथं उगु तथ्य सार्वजनिक जूगु खः । प्रतिवेदन प्रमाणीकरण सम्बन्धय् मन्त्रालयं ग्वसाः ग्वःगु ज्याझ्वलय् लुँया जलप तयाः मूर्ति दयेकेगु झ्वलय् देय्न्यंकं दछिया झिंनिद्वः व ८२५ किलोग्राम […]

येँया थीथी क्षेत्रया सतकं वंगु सोमवाः चान्हय् जक न्यय्म्हेसिया उद्धार याःगु दु । येँ महानगरपालिका, मानव सेवा आश्रम, नेपाल प्रहरी, पशुपति क्षेत्र विकास कोष लगायत थीथी संघसंस्थाया समन्वयय् सोमवाः बहनिसिया ७ निसें १० ताः ईतक संचालन जूगु खोजी अभियानय् न्यय्म्हेसिया उद्धार याःगु खः । उद्धारया झ्वलय् गुलिखे वास्तविका सहयोगापेक्षी लुया वःगु खः । गुलिखे धाःसा मजदूरी यानाः सतकय् […]

सुं नं मिसां थः सन्तानयात वया अबुयाबारे छेँजःपिंत भ्रमय् तयेगु दुस्साहस याइमखु । न्ह्याम्हं मिसाया इच्छा छेँजःपिं नाप हे च्वनेगु जुइ । तर बेलायतया छम्ह मिसां ताःईतक हे थः सन्तानया अबुया बारे छेँजःयात हे भमय् तःगु दु । व नं निदँ प्यदँ मखु मुक्कं निगू दशक स्वयां नं अप्वः । थन तक कि उम्ह मिसां थः सन्तानया अबुया बारे […]

येँ – वंगु छुं न्हि न्ह्यवंनिसें लोडसेडिङ मखुसां मत धाःसा इलय् ब्यलय् वनेगु यानाच्वंगु दु । थुकियात गुलिस्यां अघोषित लोडसेडिङ नं धया हल । तर थ्व लोडसेडिङ मजुसे चिकुलाया इलय् मतया लोड अप्वगुलिं थथे मत वनेगु यानाच्वंगु खँ नेपाल विद्युत प्राधिकरणं धाःगु दु । प्राधिकरणया कथं मतया लोड अप्वयेवं ट्रान्सफर्मरं भार फये मफयाः मत सीगु […]

ख्वप – दतात्रय मेलाया लिपांगु दिं म्हिगः तःचपाः चोकय् श्रद्धाजु भक्तजनपिनिगु तःधंगु हे भीड जुल । पुस महिना लछि तक बुधवाः पतिकं गुरु दतात्रयया मेला जुइगु खः । वंगु पुस ४, ११ व १८ गतेया तुलनाय् म्हिगः भक्तजनपिनिगु भीड जूगु खः । भीड जुइवं अन झ्वः छुइपिंत कुपनया हे व्यवस्था यायेमाःगु स्थिति वःगु खः । […]

येँ – तःभुखाय् लिपा नेपाः व चीन दथुया प्रमुख व्यापारिक नाका तातोपानी भन्सार बन्द जूगु खःसा आः उकियात चायेकेत चीन सरकारं कुतः शुरु याःगु दु । भुखाय् लिपा चीनं थ्व नाका बन्द यासें उकिया विकल्पय् केरुङ नाका चायेकूगु खः । तर नेपाल सरकारं थ्व नाका नं चायेके माली धकाः चीनयात तारन्तार इनाप याःगु खः । […]