बुखँ

येँ (नेपालभाषा टाइम्स)- नेपालं पिने न्हापांखुसी अमोघपाशलोकेश्वर उपोषधव्रत साधना (अष्टमी व्रत) च्वनेगु ज्या जूगु दु । अमेरिकाया वासिंगटन डिसी मेट्रोपोलिटिन लागाय् ‘अमेरिका–नेपाल परम्परागत बौद्ध धर्म संघ’ या ग्वसालय् करुणामय अमोघपाश लोकेश्वरया अष्टाङ्ग उपोषधव्रत च्वनेगु ज्या जूगु खः । थुगु अष्टमी व्रत ने.सं. ११४३ कछलाथ्व कार्तिक शुक्लपक्ष अष्टमीनिसें शुरु जुयाः झिंनिला (१२ महिना) तक न्ह्याकाःलि वंगु ने.सं. ११४४ […]

येँ (नेपालभाषा टाइम्स)-न्यतभलु अजिमा (श्वेतकाली) या झिंनिदँ जात्राया झ्वलय् यलया कात्ति दबुलिइ प्याखं हुलाच्वँच्वं हे द्यः गणया प्याखंम्वः रामकाजी महर्जन मंत । वंगु विहिवाः अष्टमि कुन्हु यलया कात्ति दबुलिइ न्यतभलु अजिमाया प्याखं हुइकूगु खः । प्याखं हुलाच्वँच्वं हे उकी भैरव जुयाः प्याखं हुलादीम्ह महर्जनयात हृदयाघात जूगु खः । वयां तुरुन्त लिपा वय्कःयात अस्पताल यंकूगु खःसा अन वय्कः मदुगु […]

येँ (नेपालभाषा टाइम्स)÷येँया २७ वडाया असं त्वालय् नांजाःम्ह तान्त्रिक गुरु सुरतबज्रया नामं पलिस्था जुयाच्वंगु बिहार सुरतश्री महाबिहारय् वंगु दशमि कुन्हु दिशी पुजा यात । सुरतश्री महाबिहार संरक्षण समितिया नायः धर्मेन्द्रहर्ष वज्राचार्यया सभापतित्वय् जूगु उगु ज्याझ्वलय् समितिया छ्याञ्जे राजेन्द्रहर्ष वज्राचार्यं लसकुस यानादीगु खः । ज्याझ्वलय् वंगु दँय् थीथी शैक्षिक परीक्षाय् पास जूपिं ब्वँमिपिंत समितिं हनापौं नं लःल्हागु खः ।

यल (नेपालभाषा टाइम्स)- यलया जाह्वलाख्यलय् च्वंगु ललितमण्डप पुनर्निर्माण याइगु जूगु दु । यल महानगरपालिका ४ वडा जाह्वलाख्यलय् लाःगु मन्दः यल महानगरपालिकां पुननिर्माण यायेत्यंगु खः । यल महानगरं ललितमण्डपया लिक्क च्वंगु फल्चा व जावलाहिति न्हापा हे पुननिर्माण यायेधुंकूगु दु । ललितमण्डप ऐतिहासिक शैलीं पुननिर्माण यायेगु निंतिं विस्तृत परियोजना प्रतिवेदन (डिपिआर) तयार जुइधुंकूगु खँ यल महानगरपालिका वडा […]

थिमि (रासस)- ख्वपया नांजाःगु नवदुर्गा प्याखं छवाः तक थिमिया थीथी त्वालय् प्याखं ल्हुकेधुंकाः ख्वपय् लिहांबिज्याःगु दु । थिमिइ वंगु पुस ११ निसें सुरु जूगु नवदुर्गा प्याखं सोमवाः थिमिया मरुत्वाः व बालकुमारी न्ह्यःने प्याखं ल्हुयाः थिमिया यात्रा क्वचायेकूगु खः । थ्व झ्वलय् बाराही प्याखं, सिम्बाःधुम्बा न्या लाकेगु प्याखं, महाकाली प्याखं, श्वैत भैरव न्यालाकेगु प्याखं न्ह्यब्वःगु खः […]

किपू (नेपालभाषा टाइम्स)- झिक्वःगु नेपालभाषा साहित्य तःमुँज्या थुगुसी यःमरि पुन्हिया लसताय् नगामय् जुल । ज्याझ्वलय् नेमकिपाया केन्द्रीय सचिव व सांसद प्रेम सुवालं लोककवि राजभाई जकःमियात सम्मान पत्र लःल्हाना सम्मान यानादिल । अथेहे धिमे गुरु लजरमान महर्जन, दाफा गुरु गौतम महर्जन, काः बाजं गुरु इन्द्र महर्जन, उमेश महर्जन व थुगुसीया तःमुँज्या उलेज्या यानादीम्ह जेष्ठ नागरिक बौद्ध उपासक व […]