बुखँ

एजेन्सी- पनौतीइ थ्व हे वइगु पोहेलाथ्व नवःमि शुक्रवाः जुइगु झिंप्यक्वःगु नेवाः एकता दिवसय् नेवाः संघर्ष समिति घोषणा यायेगु खँ क्वःजिउगु दु । नेवाः देय् दबूया ग्वसालय् थीथी राजनीतिक पार्टीया नेवाः संगठन, नेवाः खलः पुचः नापं नेवाः देय् दबूया स्वनिगः विशेष प्रदेश, येँ, यल, ख्वप जिल्ला समिति नापं स्वनिगःया थीथी पालिका समितिया प्रतिनिधिपिं दुथ्याःगु देय् दबूया […]

येँ (नेपालभाषा टाइम्स)-सन्दीप लामिछानेयात बलात्कारया द्वपं बियाः मुद्दा तःम्ह पीडित मिसाया तस्वीर सार्वजनिक जुइवं प्रहरीया साइबर ब्यूरों अनुसन्धान न्ह्याकूगु दु । ब्यूरोया एसपी पशुपति रायया कथं उकिया बारे उजुरी वःगुलिं तस्वीर तःपिंत मालाच्वंगु खः । जिल्ला अदालत येँनं लामिछानेयात बुधवाः च्यादँ जेल सजाय व न्यागू लाख तका क्षतिपूर्ति पीडितयात बीमाःगु आदेश न्यंकूगु खः । वयां […]

ख्वप(नेपालभाषा टाइम्स)÷ ख्वप नगरपालिकाया झिंन्याक्वःगु नगरसभा ख्वप इन्जिनियरिङ्ग कलेज लिबालिबिइ जूगु दु । नगर प्रमुख सुनिल प्रजापतिया सभापतित्वय् जूगु नगर सभां ख्वप नगरपालिकापाखें संचालन यानाच्वंगु ख्वप कलेज अफ इन्जिनियरिङ २०६५ व ख्वप कलेज अफ ल २०८० या विनियम संशोधन सर्वसम्मपति पारित याःगु खः । नगरसभाया उलेज्या छगू ज्याझ्वःया दथुइ नेपाल मजदुर किसान पार्टीया केन्द्रीय सचिव […]

विश्वन्यंकं तीव्रगतिं न्यना वनाच्वंगु कोरोना भाइरस ओमिक्रोनया सब भेरिअन्ट जेएन १ नेपालय् नं वयेधुंकूगु दु । नेपालय् नं जेएन १ खनेदुगु पुष्टि जुइवं स्वास्थ्य मन्त्रालयं सावधानी नालेत धायेधुंकूगु दु । नेपालय् अप्वः धयाथें मनूतय्सं कोभिड संक्रमणविरुद्ध खोप कायेधुंकूगु जूसां निदँ न्ह्यः काःगु बुस्टर खोपं आःतक नं ज्या यानाच्वंगु दइ कि दइमखु धकाः यक्वस्यां चिउताः प्वंका […]

एजेन्सी- नेपाल क्रिकेट संघ (क्यानं) क्रिकेट कासामि सन्दीप लामिछानेयात निलम्बन याःगु दु । लामिछानेयात बलात्कारया द्वपनय् दोषी ठहर याःगु येँ जिल्ला अदालतं बुधवाः वयात च्यादँँया जेल व न्यागू लाख जरिवानाया सजाय न्यंकूगु खः । अदालतं जेल सजाय क्वःछीधुंकाः क्यानं बिहिवाः छगू विज्ञप्ति पिकयाः लामिछानेयात घरेलु व अन्तर्राष्ट्रिय क्रिकेट म्हितेमखनीगु कथं निलम्बन यानागु धाःगु खः । […]

येँ (नेपालभाषा टाइम्स)-थःगु छेँय् क्वथा बालं मबिउ धकाः जातीय छुवाछुतया द्वपं बियाः मुद्दाय् फँसे जुइमाःम्ह येँया मय्जु सरस्वती प्रधानयात जिल्ला अदालत येँनं सफाइ बिउसां वय्कःयात मुद्दा तःम्ह दलित अभियन्ता रुपा सुनारं धाःसा अझ नं मत्वःतीगु संकेत पिहां वःगु दु । सुनारं जिल्ला अदालतया फैसला विरुद्ध उच्च अदालतय् हानं मेगु मुद्दा तयेगु धकाः तयारी यानाच्वंगु खँ पिहां […]