राष्ट्रिय

येँ (नेपालभाषा टाइम्स) – नेपालय् म्हिगः छन्हुं १ हजार ४५९ म्ह मनूतय्के कोरोना भाइरस संक्रमण जूगु लुइकूगु दु। थ्व ल्याः नेपालय् आःतक छन्हु दकलय् अप्वः संक्रमण जूपिनि ल्याः खः । अथेहे स्वनिगलय् नं म्हिगः संक्रमण जूपिनि ल्याखय् कीर्तिमान कायम जूगु दु। म्हिगः छन्हुं हे स्वनिगलय् ६७६ म्हेसिके संक्रमण खनेदुगु खः । म्हिगः देय् न्यंकया प्रयोगशालाय् […]

येँ- सरकारं व्यापार व्यवसाय यायेगुलिं तयातःगु निषेधाज्ञा चीकेमाःगु माग यासें म्हिगः कोटेश्वर व्यवसायी संघं प्रदर्शन याःगु दु । व्यवसायीपिंसं निषेधाज्ञा पूर्ण रुपं चीकाः सहज रुपं व्यापार व्यवसाय यायेदयेमाः धासें प्रदर्शन याःगु खः । प्यलाया लकडाउन वयां लिपा सरकारं जारी याःगु निषेधाज्ञाया कारणं थःपिनिगु व्यापार व्यवसाय तःधंगु समस्या वःगु धासें आः सहज वातावरण दयेकाः व्यापार व्यवसाय […]

येँ (नेपालभाषा टाइम्स) – प्रहरीं थः कलाःयात स्याःगु द्वपनय् छम्ह मनूयात २० दँ लिपा ज्वंगु दु। दोल्खाया भीमेश्वरस्थित ताथलि छेँ जुयाः थौंकन्हय् येँय् च्वना वयाच्वंम्ह अरुणकुमार रिजाल (सुनिल) यात प्रहरीं ज्वंगु खः । अरुणकुमार विरुद्ध थनिं २० दँ न्ह्यः २०५७ सालय् थः कलाः दिलमायायात स्याःगु द्वपं लानाच्वंगु खः । घटना जूगु इलंनिसें हे बिसिउँ वनाच्वंम्ह […]

येँ (नेपालभाषा टाइम्स) – वरिष्ठ चिकित्सक गोविन्द केसीं म्हिगः निसें हाकनं सत्याग्रह सुरु याःगु दु। केसीया थ्व १९ क्वःगु सत्याग्रह खः । थौंकन्हय् जुम्ला च्वंच्वनादीम्ह वय्कलं जुम्ला बजाः लिक्क लाःगु सिंहचौरय् च्वंगु बाबिरा मस्ट देगलय् च्वनाः अनसन सुरु याःगु खः । जुम्लाय् च्वनाच्वंम्ह केसीयात सरकारं छुं न्हि न्ह्यवनिसें निगरानी तया वयाच्वंगु खः । वय्कलं थःत […]

यल – बुंगद्यःयात थौं सोमवाः बुंगय् लित बिज्याकूगु दु । थौं न्हिनय् सवा १ बजे पाखे साइट कथं बुंगद्यःयात रथं कुहां बिज्याकाः खटय् तयाः कुबियाः बुंगय् बिज्याकूगु खः । थुगुसी कोरोना महामारीया कारणं बुंगद्यःया जात्रा मजुइवं पुल्चोकया सोह्रखुट्टे फल्चा न्ह्यःने दिकातःगु रथं तुं कुहां बिज्याकाः खटय् तःगु खः । बुंगद्यःया रथ न्ह्यःने हे दिकातःगु चाकुबहाः […]

येँ (नेपालभाषा टाइम्स) – स्वनिगलय् त्वनेगु लःया समस्या समाधानया निंतिं छगू जक विकल्पया रुपय् न्ह्यःने वयाच्वंगु मेलम्चीया लः स्वनिगलय् हयेत अझं ई काइगु जूगु दु। राष्ट्रिय गौरवया प्राथमिकताय् लानाच्वंगु व बहुचर्चित नापं बहुप्रतिक्षित मेलम्ची खानेपानी आयोजनाया लः स्वनिगलय् स्वला लिपा जक वइगु सम्भावना खने दयाच्वंगु दु । आयोजनाया सुरुबय् च्वंगु गेटया फ्रेम हिलेमाःगु व उकिया […]