निषेधाज्ञा विरुद्ध व्यापारीतय् प्रदर्शन

येँ- सरकारं व्यापार व्यवसाय यायेगुलिं तयातःगु निषेधाज्ञा चीकेमाःगु माग यासें म्हिगः कोटेश्वर व्यवसायी संघं प्रदर्शन याःगु दु । व्यवसायीपिंसं निषेधाज्ञा पूर्ण रुपं चीकाः सहज रुपं व्यापार व्यवसाय यायेदयेमाः धासें प्रदर्शन याःगु खः । प्यलाया लकडाउन वयां लिपा सरकारं जारी याःगु निषेधाज्ञाया कारणं थःपिनिगु व्यापार व्यवसाय तःधंगु समस्या वःगु धासें आः सहज वातावरण दयेकाः व्यापार व्यवसाय याकेबीमाःगु माग नं व्यवसायीतय्सं याःगु दु ।

लिसे म्हिगः प्रदर्शनया झ्वलय् व्यवसायीतय्सं लकडाउन ई दुनेया बैंक व वित्तिय संस्थाया ब्याज मिनाहा यायेमाःगु, करया जरिवाना मिनाहा यायेगुमाःगु, छेँय् बालय् सहुलियत बीमाःगु माग नं याःगु दु । लकडाउन व निषेधाज्ञाया कारणं व्यवसायी समस्याय् लाःगु धासें थीथी माग तयाः नेपाल राष्ट्रिय व्यवसायी महासंघं आन्दोलन यानावयाच्वंगु दु । महासंघं थीथी राजनीतिक पार्टी लिसें सरकारयात नं व्यवसाय यायेत माःगु वातावरण दयेकेमाःगु माग यासें ज्ञापन पौ बीधुंकूगु दु ।

सम्बन्धित बुखँ

LEAVE YOUR COMMENTS