राष्ट्रिय

येँ – मोहनि नखःया झ्वलय् थौं थनया हनुमानध्वाखा स्थित तलेजु देगलय् च्वंम्ह तलेजु द्यःयात कुहां बिज्याकीगु जूगु दु । थौं सुथसिया ६ः५१ बजेया साइतय् तलेजुयात कुहां बिज्याइगु ग्वसाः दु । थौं सप्तमि कुन्हु द्यःयात कुहां बिज्याकीसा कन्हय् अष्टमि कुन्हु चान्हय् अन म्येय्, दुगु आदि बलि बीगु ज्या जुइ । अथे हे नवमि कुन्हु तलेजुया देगः सर्वसाधारणया लागिं चायेकी । […]

येँ -प्रधानमन्त्री शेरबहादुर देउवाया सरकारं मन्त्रिमण्डलयात पूर्णता बीवं जनता समाजवादी पार्टी दुने विद्रोह ब्वलंगु दु । सरकारय् जसपां पर्सा जिल्लाया सुं नं नेतायात मन्त्री मदयेकू धासें पार्टीया कार्यकर्तातय्सं आक्रोश प्वंकूगु खः । पर्साया कार्यकर्तातय्सं पर्साया सांसद प्रदीप यादवयात नं मन्त्री दयेकेत माग याना वयाच्वंगु खः तर पार्टी अध्यक्ष उपेन्द्र यादवं प्रदीप यादवयात मन्त्री मदयेकेवं कार्यकर्तात आन्दोलनय् कुहां […]

येँ -नेपाल भाषा एकेडेमिया पहलय् बीगु याना वयाच्वंगु दान्यहिरा सिरपाः थुगुसी नांजाःम्ह साहित्यकार तेजेश्वरबाबु ग्वंगःयात बीगु जूगु दु । थ्व सिरपाः न्यय्द्वः तका व दसिपौ सहितया खः । अथे हे रुकमणि श्रेष्ठयात दान्यहिरा हःपाः सिरपाः बीगु जूगु दु । थ्व नीन्याद्वः तका दां व दसिपौ सहितया सिरपाः खः । उकथं हे दान्यहिरा विज्ञान प्रविधि सिरपाः जगतवीर शिल्पकारयात बीगु जूगु […]

प्रधानमन्त्री शेरबहादुर देउवां मन्त्रिमण्डलयात पूर्णता बियादीगुया नापनापं थुकिया कडा आलोचना नं शुरु जूगु दु । खास यानाः प्रतिनिधिसभा पुनस्र्थापनाया फैसला याःगुया ‘सिरपाः’ स्वरुप सर्वोच्च अदालतया प्रधानन्यायाधीश चोलेन्द्र शम्शेर जबराया ससःदाजु (तःधीम्ह कलाःपाखें) गजेन्द्रबहादुर हमालयात नं मन्त्री दयेकूगु खँयात कयाः सरकारया आलोचना जुयाच्वंगु दु । हमालयात मन्त्री दयेकेगु लागिं राणां ताःई न्ह्यवंनिसें सरकारयात दबाब बियाच्वंगु खँ लिपांगु इलय् […]

येँ-अन्ततः स्वलायात स्वन्हु जक बाँकी दनिबलय् प्रधानमन्त्री शेरबहादुर देउवां मन्त्रिमण्डल विस्तार यानाः पूर्णता बियादीगु दु । न्हूपिं मन्त्रीतय्त म्हिगः हे राष्ट्रपति विद्यादेवी भण्डारीं पद व गोपनीयताया शपथ ग्रहण याकादीगु खः । थ्व सरकारय् नेपालभाषा आन्दोलनया न्ह्यलुवा भाजु राजेन्द्र श्रेष्ठ नं मन्त्री जुयादीगु दु । वय्कः जसपाया मन्त्री–तय् नेतृत्व यासें संघीय मामिला तथा सामान्य प्रशासन मन्त्री जुयादीगु दु ।न्त्रिमण्डलय् वय्कःया […]

येँ – सत्ता गठबन्धनया शीर्ष नेतातय् दथुइ म्हिगः च्वंगु बैठकं थौं मन्त्रिपरिषद्यात पूर्णता बीगु सहमति जूगु दु । प्रधानमन्त्री शेरबहादुर देउवां मन्त्रालय बाँडफाँडया विषयय् खनेदुगु असन्तुष्टि व मन्त्रीतय् नां क्वःछीगु लागिं म्हिगः गठबन्धनया बैठक सःतादीगु खः । बालु्वाटारय् जूगु बैठकय् माओवादी केन्द्रया अध्यक्ष पुष्पकमल दाहाल, नेकपा (एस)या अध्यक्ष माधव नेपाल व जसपाया उपेन्द्र यादवं ब्वति काःगु खः । […]