राष्ट्रिय

येँ -नागढु्ंगा सुरुङमार्ग दयेकेगु नितिं बीमाःगु मुआब्जाया नितिं माक्वः बजेट मवयेवं आयोजनायात समस्या जूगु दु । न्हापा क्वःछिनातःगु मुआब्जायात कयाः स्थानीय जनतां असहमति क्वनेगु न्हूगु मुआब्जा निर्धारण याःगु खः । तर सरकारं माक्वः ध्यबा मबिवं आयोजनायाता सुरुङ पिनेया ज्या न्ह्याकेत समस्या जूगु दु । आयोजनाया कथं मुआब्जाया नितिं १ अर्ब १४ करोड तका ध्यबा माः ।

येँ – पुलांम्ह प्रधानमन्त्री लिसे जनता समाजवादी पार्टीया संघीय परिषद्या अध्यक्ष डा. बाबुराम भट्टराईं प्रतिगमनकारी शक्तियात परास्त यायेगु नितिं चुनाव तक गठबन्धन निरन्तर रुपय् न्ह्यायेमाःगु खँ धयादीगु दु । समाजवादी प्रेस संठगनं ग्वसाः ग्वःगु ज्याझ्वलय् न्ववायेगु झ्वलय् वय्कलं उगु खँ धयादीगु खः । आःया गठबन्धनयात त्वाःथलेगु कुतः जुयाच्वंगुलिं सचेत जुयाः न्ह्याःवनेमाः धासें डा. भट्टराईं धयादिल, […]

येँ – सभामुख अग्निप्रसाद सापकोटां एमसीसी सम्झौता संसदय् न्ह्यःने न्ह्याकेगु नितिं स्वंगू सर्त तःगु दु । सरकारं सत्तारुढ गठबन्धन दल व संसदय् प्रतिनिधित्व याइगु दलतय् दथुइ एमसीसी पारित यायेगु नितिं सर्वदलीय बैठक यायेवं वय्कलं उगु सर्त तयादीगु खँ सीदुगु दु । सभामुख सापकोटां एमसीसी सम्झौता न्ह्यःने न्ह्याकेगु नितिं राष्ट्रिय सहमति जुइमाःगु, एमसीसीयात कयाः जनतां फ्वनाच्वंगु न्ह्यसःया लिसः […]

येँ – ‘धंग मदुनि भम्चा, धंग मदुनि’ म्ये च्वमि लिसे मकवानपुरया लोक कवि गणेशलाल श्रेष्ठया झ्वाताः उलेज्या जुइ छन्हु न्ह्यः खुया यंकूगु दु । च्वमि श्रेष्ठ नेपालभाषा, खस भाषा व तामाङ भाषां साहित्य च्वयादी । वय्कलं शताब्दी पुरुष सत्यमोहन जोशीया मिले जूम्ह पासा नं खः । वय्कःया झ्वाताः म्हिगः पुलांम्ह परराष्ट्रविद हिरन्यलाल श्रेष्ठं उलेज्या यायेगु ज्याझ्वः दुगु खः । […]

येँ– एमाले महासचिव शंकर पोखरेलं सभामुखं गल्ती भिंकेमाःगु वा राजीनामा बीमाःगु माग यानादीगु दु । संसद बैठकय् न्ह्यानाच्वंगु पंगः चीकेत सत्ता पक्षं हे भूमिका म्हितेमाःगु धासें वय्कलं नेकपा एमालें समाजवादी पार्टीया सांसदपिंत पद मुक्त यायेत माग यानागु, तर सभामुखं चिउताः मक्यंगु धासें सभामुखं गल्ती भिंकेमाःगु वा राजीनामा बीमाःगु खँ धयादीगु खः । समाजवादी सांसदयात कारबाही […]

येँ – यःमरि पुन्हि, ज्यापु दिवसया लसताय् आइतवाः स्वनिगलय् बिदा बिउगु दु । मन्त्रिपरिषद्या बिहिवाः च्वंगु बैठकं स्वनिगलय् बिदा बीगु निर्णय याःगु खँ गृह मन्त्रालयं धाःगु दु । अथेहे स्वनिगः बाहेक देय्न्यंकं यःमरि पुन्हि व उधौली पर्वया लसताय् सम्बन्धीत समुदाययात जक बिदा बिउगु दु ।