उलेज्या ज्या जुइ न्ह्यः झ्वाताः खुया यन

येँ – ‘धंग मदुनि भम्चा, धंग मदुनि’ म्ये च्वमि लिसे मकवानपुरया लोक कवि गणेशलाल श्रेष्ठया झ्वाताः उलेज्या जुइ छन्हु न्ह्यः खुया यंकूगु दु । च्वमि श्रेष्ठ नेपालभाषा, खस भाषा व तामाङ भाषां साहित्य च्वयादी । वय्कलं शताब्दी पुरुष सत्यमोहन जोशीया मिले जूम्ह पासा नं खः । वय्कःया झ्वाताः म्हिगः पुलांम्ह परराष्ट्रविद हिरन्यलाल श्रेष्ठं उलेज्या यायेगु ज्याझ्वः दुगु खः ।

श्रेष्ठया म्ह्याय् देवकी श्रेष्ठया कथं म्हीग बहनी १० ता ई तक अन झ्वाताः दुगु खः । झ्वाताः खुयायंकूसां नं म्हिगः क्वछिनातःगु ज्याझ्वः कथं ¥याली धाःसा जूगु दु । छगूत्या फित तजाःगु झ्वाताः ४० किलो दुगु आः तत्काल उगु झ्वता लुया वल धाःसा याकनं हे ज्याझ्वः यानाः पलिस्था यायेगु यदि झ्वाता मलुल धाःसा न्हूगु हे झ्वाताः दयेकाः तयेगु निर्णय जूगु खँ नं मय्जु श्रेष्ठं ‘नेपालभाषा टाइम्स’ यात कनादीगु दु ।

भिमफेदी गाउँपालिकाया लगानीइ फोहोरा पर्का व ज्योति पुस्तकालय परिसरय् लछि न्ह्यः हे झ्वाताः स्थापना जूगु खँ भिमफेदी गाउँपालिकाया अध्यक्ष हिदम लामां जानकारी बियादीगु दु । झ्वाताः खुया यंकूगु बारे छानविन यायेगु नितिं सम्बन्धित निकाययात जानकारी याकेधुंकूगु दु ।