राष्ट्रिय

येँ – नेवाः समुदाय दथुइ अतिकं विवादया विषय जुयाच्वंगु गुथि विधेयकयात सरकारं हानं न्ह्यःने यंकेगु तयारी यानाच्वंगु खँ सीदुगु दु । थुकिया लागिं भूमिसुधार मन्त्रालयं गृहकार्य शुरु यायेधुंकूगु खँ नं धाःगु दु । गुथि विधेयक न्ह्यःने यंकेगु लागिं थौंकन्हय् भूमिसुधार मन्त्री शशि श्रेष्ठ थः हे न्ह्यचिलाच्वंगु व उकिया लागिं वय्कलं गुथि आन्दोलनय् दुथ्याःपिं नेवाः न्ह्यलुवापिंत नापलानाः बिचाः […]

येँ । नेवाः न्ह्यलुवा लिसें वरिष्ठ मानव अधिकारवादी नेता पद्मरत्न तुलाधरया जहान नीलशोभा तुलाधर मंत । म्हिगः सोमवाः बहनी ९ बजे वय्कः आकाझाकां मदुगु खः । मदुम्ह तुलाधर ७८ दँ दुम्ह खः । मदुम्ह तुलाधरया कायभाजु सर्वन तुलाधरं नेपालभाषा टाइम्स यात कनादीकथं सोमवाः थःगु हे छेँय् द्यनाच्वंम्ह वय्कःयात आकाझाकां हृदयाघात जूगु खः । हृदयाघात जूगुयां […]

येँ (नेपालभाषा टाइम्स)÷बागमति प्रदेशया मुख्यमन्त्री हिलेगु निंतिं कांग्रेस व माओवादीं हस्ताक्षर संकलन यायेवं नेकपा (एस) या अध्यक्ष माधव नेपालं कांग्रेस व माओवादीया अध्यक्षपिंत नापलायेगु कुतः यानादीगु दु । तर नापलाये धाःसा मफुनि । सूत्रं धाःकथं नेता नेपालं यदि मुख्यमन्त्री हिलेगु खःसा बागमति जक मखु फुक्क हे प्रदेशया मुख्यमन्त्री हिलेमाः धइगु खँ न्ह्यःने हयादीगु दु । वय्कलं कांग्रेस व […]

येँ (नेपालभाषा टाइम्स)÷इलय् हे विद्यार्थीतय्त ब्वनेगु सफू बीमफुगु धासें विप्लव नेतृत्वया नेकपाया विद्यार्थीतय्सं जनक शिक्षा सामग्री केन्द्रया प्रबन्ध निर्देशक अनिलकुमार झायात दुव्र्यवहार याःगु दु । अखिल (क्रान्तिकारी) या विद्यार्थीतय्सं झाया ज्याकुथिइ हे वनाः वय्कःया ख्वालय् हाखः पाकूगु खः । सफूया कृत्रिम अभाव याकूगु, भ्वं न्यायेगु झ्वलय् अनियमितता याःगु, केन्द्रय् भ्रष्टाचार याःगु द्वपं बियाः वय्कःयात अथे कारवाही याःगु […]

येँ – प्रधान मन्त्री कार्यालयया बिना विभागीय राज्यमन्त्री उमेश श्रेष्ठ व नेपाल आयल निगमया प्रवक्ता विनितमणि उपाध्यायया खँय् ट्वीस्ट वःगु दु । म्हिगः छगू ज्याझ्वलय् न्ववासें राज्यमन्त्री श्रेष्ठं भारतं पेट्रोलियम पदार्थया ध्यबा मपुल धाःसा चिकं पनेगु ख्याच्वः बिउगु खँ धयादीगु खः । तर आयल निगमं धाःसा ध्यबा मपुल धाःसा पेट्रोलियम पदार्थ छ्वया हयेगु दिकेगु धइगु धाःगु बारे […]

येँ- नेवाः पत्रकार राष्ट्रिय दबू येँ जिल्लाया ग्वसालय् त्वनेगु लः सम्बन्धि सचेतना तालिम ज्याझ्वः जूगु दु ।  बागमति प्रदेश सरकारया खानेपानी, उर्जा व सिचाइ मन्त्रालय अन्तर्गतया खानेपानी तथा सरसफाइ डिभिजन नं ५ ज्याकूया ग्वाहालिइ उगु तालिम जुयाच्वंगु खः । हैजाया प्रकोप नियन्त्रणलिसें उकियापाखें बचे जुइगु नापं लःजन्य ल्वय्, लः शुद्ध यायेगु व लःया संचय यायेगु विधि व […]