राष्ट्रिय

येँ(नेपालभाषा टाइम्स)- म्याग्दीया सदरमुकाम बेनीइ नं लाखे प्याखं पिथंगु दु । बेनीइ नं वंगु गुंलाथ्व पंचमि (नागपंचमि) मंगलवाःकु लाखे प्याखं पिथंगु खः । येँय् मूलतः यँयाः कुन्हु मजिपाः लाखे पिथनेगु चलन दुसा येँय् नं पिने नेवाःतय् ख्वातुगु वस्ती दुगु थीथी जिल्लाय् धाःसा गुंलाया इलय् लाखे पिथनेगु याना वयाच्वंगु दु । बेनीइ गथांमुगःकुन्हु परापूर्वकालय् समाजयात अतिकं दुःख बिउम्ह भूतया […]

येँ (नेपालभाषा टाइम्स)÷ नेपाःस्थित भारतीय दूतावासया आर्थिक ग्वाहालिइ जुयाच्वंगु जनबहाःद्यः देगः पुनर्निर्माण ज्या लथालिंग जूगु धासें स्थानीय सरोकारवालातय्सं अन ज्या रोके याना बिउगु दु । देगः जीर्णोद्धार यानाच्वंपिंसं जीर्णोद्धार सम्बन्धी छुं रिपोर्ट नं मबिउगु व ज्या नं योजना कथं मन्ह्याकूगु धासें स्थानीय सरोकारवालातय्सं भारतीय दूतावासया ध्यानाकर्षण याना वयाच्वंगु खः । तर उकी छुं हे लिसः मबीवं वंगु […]

येँ(नेपालभाषा टाइम्स)- प्रसिद्ध धार्मिक व पर्यटकीयस्थल सिलुइ मेला शुरु जूगु दु । रसुवा जिल्लाया सिलुइ गुंपुन्हिकुन्हु विशेष मेला जुइ । गोसाइँकुण्ड क्षेत्र विकास समितिं थुगुसी करिब झिंन्याद्वःनिसें झंच्याद्वःया ल्याखय् तीर्थयात्री वइगु अनुमान याःगु दु । थगुने करिब झिंस्वद्वःया ल्याखय् मेलाय् सहभागि जूगु समितिं जानकारी बिउगु दु । थुगुसी रसुवातक वयेगु लँपुइ गनं नं सतक अवरुद्ध मजूगु, पदमार्ग नं सुरक्षित […]

येँ (नेपालभाषा टाइम्स)÷प्रदेश नं १या संखुवासभाय् लाखे जात्रा शुरु जूगु दु । नेवाः समुदाय दुने अतिकं महतवपूर्ण पर्वमध्ये छगू थनया लाखे जात्रा नागपंचमिनिसें शुरु जूगु खःसा कृष्ण जन्माष्टमितक न्ह्याइ । वंगु छुं दँ थुखे कोरोना संक्रमण व थीथी कारणं लाखे पिथनेगु ज्या दिनाच्वंगु खःसा थुगुसी थीथी थासय् च्वंगु भिंद्यःया देगलय् विधिवत पुजा यानाः लाखे प्याखं पिथंगु खः । […]

येँ (नेपालभाषा टाइम्स)÷चिनियाँ नागरिकयात अपहरण यानाः १ करोड तका फिरौती माग याःपिं खुम्हेसित प्रहरीं ज्वंगु दु । ज्वंपिं मध्ये निम्ह प्रहरीत हे लाःगु खँ धाःगु दु । चिनियाँ नागरिकयात अपहरण यानाः न्हू बसपार्कय् कुनातःगु खः । ज्वंपिं प्रहरी मध्ये छम्ह उच्च अदालतया न्यायाधीशया पीएसओ हवल्दार कर्ण गुरुङ खःसा मेम्ह प्रहरी वृत्त बालाजुया घुमुवा शिव सुनुवार खः । घटनायात कयाः […]

येँ (नेपालभाषा टाइम्स)÷सरकारं थ्वहे वइगु मंसिर ४ गते प्रतिनिधिसभा व प्रदेशसभाया चुनाव यायेगु घोषणा याःगु दु । म्हिगः सिंहदरबारय् च्वंगु मन्त्रिपरिषद् बैठकं थ्व निर्वाचन तिथि क्वःछिउगु खः । थ्व कथं आः वइगु १०६ न्हु लिपा निर्वाचन जुइगु निश्चित जूगु दु । थ्वहे झ्वलय् निर्वाचन आयोगया प्रमुख निर्वाचन आयुक्त दिनेश थपलियां सरकारं घोषणा याःगु तिथिइ निर्वाचन यायेत आयोग तयार […]