राष्ट्रिय

येँ(नेपालभाषा टाइम्स)- देय्न्यंकंया साय्मित मुनाः न्यायेका वयाच्वंगु थुगुसीया स्वयम्भू भ्वय् वंगु शनिवाः जुल । केन्द्रीय मानन्धर संघपाखें दँय्दसं होलिपुन्हि लिपाया न्हापांगु शनिवाः न्यायेकेगु याना वयाच्वंगु दु । थुगुसी स्वयम्भू भ्वय्या व्यवस्थापन चामुन्डा मानन्धर गुथि वतु त्वालं याःगु खः । स्वयम्भू भ्वय्या हे झ्वलय् थुगुसी संघया ७० क्वःगु बुन्हि हनाज्याझ्वः नं याःगु खः । ज्याझ्वलय् वंगु बैशाखय् जूगु स्थानीय तह […]

यल(नेपालभाषा टाइम्स) -थनया वाय् च्वंगु चीभाःलाछिया छगः चीभालं निवाःया दुने निम्ह द्यः खुयायंकूगु दु । वंगु फागुन १७ गते उगु चीभाःया छम्ह द्यः खुयायंकूगु खःसा म्हीग हानं वहे चीभाःया मेम्ह द्यः नं खुयायंकूगु खः । खुँतय्सं गलं चैत्य हे थुनाः अन च्वंम्ह बुद्धया मूर्ति खुया यंकूगु खः । उगु चैत्य च्यागूगु शताब्दीइ दयेकातःगु अनुमान यानातःगु दु । उगु चैत्यय् […]

येँ (नेपालभाषा टाइम्स)- न्हू निर्वाचित जुयादीम्ह राष्ट्रपति रामचन्द्र पौडेलं म्हिगः पद व गोपनीयताया शपथ ग्रहण यानादिल । राष्ट्रपति निवास शितल निवासय् म्हिगः ग्वसाः ग्वःगु विशेष ज्याझ्वःया दथुइ राष्ट्रपति पौडेलं शपथ ग्रहण यानादीगु खः । नेपाःया संविधानय् राष्ट्रपतिं थःगु कार्यभार कःघाये न्ह्यः संघीय कानुन कथं प्रधानन्यायाधीशपाखें पद तथा गोपनीयताया शपथ कायेमाःगु व्यवस्था कथं न्हू निर्वाचित राष्ट्रपति पौडेलयात कामु […]

किपू (नेपालभाषा टाइम्स)- नेपालं आइसिसी क्रिकेट विश्वकप लिग २ या थौं सोमवाः जूगु कासाय् पपुवा न्यूगिनियात याउँक बुकाः विश्वकप छनोट म्हितेगु लँय् छपलाः न्ह्याःवंगु दु । किपूया टियु क्रिकेट मैदानय् जूगु कासाय् नेपालं पिएनजीयात ९ विकेटं बुकूगु खः । नेपालं बिहीवाः जुइगु अन्तिम कासाय् युएइयात बुकेफत धाःसा विश्वकप छनोट म्हिते खनीगु जुइ । थ्व कासा […]

येँ(नेपालभाषा टाइम्स)- येँ महानगरपालिकाया ग्वसालय् वइगु चैतया निगूगु वालय् जुइगु ‘न्यायिक समिति राष्ट्रिय सम्मेलन’ ब्वना पौ देय्न्यंकंया पालिकाय् छ्वयेगु ज्या जूगु दु । वइगु चैत १५ व १६ निन्हुयंकं जुइगु सम्मेलनय् ब्वति कायेत इनाप यासें देय्न्यंकंया पालिकायात ब्वना पौ छ्वयेगु ज्या जूगु सम्मेलन आयोजक मूल समारोह समितिं जानकारी बिउगु दु । येँ महानगरपालिकाया उपप्रमुखलिसें न्यायिक समितिया संयोजक […]

येँ (नेपालभाषा टाइम्स)-माओवादी धारया गुंगू कम्युनिष्ट पार्टीं शान्ति प्रक्रियाया ल्यं दनिगु ज्या याकनं क्वचायेकेत सरकारयात माग याःगु दु । लिसें द्वन्द्वकालीन घटनाया निरुपण यायेगु नामय् संवैधानिक व्यवस्था स्वयां पिहां वने मदइगु खँ नं उमिसं धाःगु दु । म्हिगः छगू मंकाः पत्रकार सम्मेलन यासें द्वन्द्वपीडित नागरिक व उमि छेँजःपिंत न्याय बीगु नामय् सर्वोच्च अदालतं विद्यमान कानुनय् सुधार यायेत […]