राष्ट्रिय

येँ – अभावया इलय् सीमा लागाय् च्वनीपिं मनूतय्त ला फाइदा हे जुइगु याः । तर गबलें गबले धाःसा सीमाय् लाःगु हे कारणं अभावया शिकार नं जुइ मालीगु अवस्था वये यःगु जुयावन । थौंकन्हय् पर्सा जिल्लाया सीमा लागाय् च्वंपिं मनूतय् थथे हे पेट्रोल डिजेलया अभाव फयेत बाध्य जुयाच्वंगु दु । अन थथे अभाव जूगुया कारण खः, नेपाःपाखें भारतय् चोरी […]

येँ–प्रदेश नं ५ य् सरकार गठनया तयारी शुरु जूगु दु । सरकार गठनया निंतिं वाम गठबन्धनं थःपिनिगु दावी पेश याःगु दु । सभामुखया निर्वाचन स्वयां न्ह्यः हे चिधंगु आकारया मन्त्रिमण्डल गठन यायेगु ल्याखं वाम गठबन्धनं सरकार गठनया निंतिं दावी पेश याःगु खः । एमालेया भागय् लाःगु प्रदेश नं. ५ य् संसदीय दलया नेता शंकर पोखरेलयात […]

येँ– प्रदेश नं. ३या मुख्यमन्त्री जुइगु निंतिं प्रदेशसभा सदस्य डोरमणि पौडेलं प्रदेश प्रमुखया ज्याकुथिइ थौं न्हिनय् प्रस्ताव दर्ता यानादीगु दु । थौं न्हिनय् १ बजे हेटांैडाया बसपार्कय् च्वंगु ज्याकुथिइ प्रस्ताव दर्ता यानादीगु खः । एमालेया रामेश्वर फुँयाल प्रस्तावक व माओवादी केन्द्रया संसदीय दलया नेता शालिकराम जम्मकटेलया समर्थनय् प्रदेश ज्याकूया सचिव चतुर्भुज ज्ञवाली समक्ष प्रस्ताव दर्ता […]

प्रदेश नं. ३ या नवनिर्वाचित सभामुख सानुकुमार श्रेष्ठं शनिवाः हे पदभार ग्रहण यानादीगु दु । वय्कःयात प्रदेश प्रमुख अनुराधा कोइरालां सभामुखया शपथ ग्रहण याकादीगु खः । पदभार ग्रहण यानादिसें सभामुख श्रेष्ठं देय्या संविधानयात आत्मसात यासें दिगो शान्ति व स्थायित्वया निंतिं थःम्ह सकलें राजनीतिक दललिसे सहकार्य यानाः प्रदेश सभाया गरिमायात उच्च याना तयेगु प्रतिबद्धता प्वंकादीगु दु […]

येँ – राष्ट्रिय पुनःनिर्माण प्राधिकरणं स्वनिगः दुनेया ख्वातुगु बस्ती दुगु थासय् एकीकृत आवास प्रणाली विकासया योजना न्ह्यःने हःगु दु । प्राधिकरणलिसें येँ महानगर व यल महानगरपालिकाया प्रतिनिधि दथुइ जूगु छगू मुँज्याय् प्राधिकरणं उकथंया प्रस्ताव न्ह्यःने हःगु खः । प्राधिकरणया प्रमुख कार्यकारी अधिकृत युवराज भुसालया नेतृत्वय् च्वंगु मुँज्याय् २०७२ सालया तःभुखाय् लिपा स्वनिगःया आपालं छेँ क्षतिग्रस्त जूगु व […]

येँ  – एमाले–माओवादी एकताया निंतिं थौं एकता संयोजन समितिया बैठक च्वनेत्यंगु दु । म्हिगः माओवादी अध्यक्ष पुष्पकमल दाहाल व एमाले अध्यक्ष केपी ओली दथुइ ‘वान टु वान’ वार्ता लिपा थौं एकता संयोजन समितिया बैठक च्वनेत्यंगु खः । म्हिगः निम्ह अध्यक्षया दथुइ राष्ट्रिय सभा निर्वाचनया लिच्वः बारे समेत खँ जूगु खः । राष्ट्रिय सभाया चुनाव क्वचायेधुंकूगुलिं सरकार गठनया निंतिं […]