बिचाः

तेज नारायण महर्जन देय्या अर्थतन्त्रया छगः थां धयातःगु सहकारी थौंकन्हय् धरमरय् जुयाच्वंगु दु । देय्न्यंकंया तःतःधंगु सहकारी धाःगु धमाधमय् समस्याग्रस्त जुयावयेवं राज्या अर्थतन्त्रया छगः बल्लाःगु थां धयातःगु सहकारीं राज्यया अर्थतन्त्रयात हे तहसनहस यानाबीगु खः ला धयागु ग्याःचिकु ब्वलनाच्वंगु दु । सहकारीत थथे समस्याय् लाना वनाच्वंगु धयागु छखे सहकारी संचालकतय् कारणं खःसा मेखे राज्यया बेवास्ताया कारणं नं खः । […]

न्ह्यखँ देशय् शासक व सामन्ततय्सं जनतायात जब जब अन्याय–अत्याचार, शोषण–दमन जुइ तब तब जनताया थःगु हक–अधिकारया लागि संघर्ष याइ । थःत माःगु आवश्यकता पूवंकेत अभियान न्ह्याकी, राजनीतिक आन्दोलन याइ । किपुली नं थीथी आन्दोलन जूगु दु, थीथी अभियान न्ह्याःगु दु । राजनीतिक आन्दोलनया पृष्ठभूमि  वि.सं. २००७ साल न्ह्यः देशय् राणा शासनपाखें जुयाच्वंगु अन्याय–अत्याचार, शोषण–दमनया विरुद्ध जनताया सचेत गतिविधि […]

सुनिता मानन्धर सुथ न्हापां फेसबुक चायेकाःस्वयेवं किपा छपाः खन । चट्ट च्वंक् कोट फिनातःम्ह, सदां स्वस्थ व हृष्टपुष्ट पह वःम्ह जगमोहन वामि बाज्याया किपा । किपा खनेवं अन छु च्वयातल स्व हे मस्वसें । छथुं मती लुल — ‘अहो ! थौं बाज्याया बुदिं जुइका, उकिं किपा तयातःगु । बुदिंया भिंतुना धाये माली ।’ मती तया थें कमेन्ट बक्सय् दुहां वनाः अन […]

मुनिन्द्रत्न वज्राचार्य नेपाः बौद्ध भूमि देय् खः । थनया बौद्ध संस्कृति परापूर्वकालनिसें महत्वपूर्ण जुयावयाच्वंगु दु । नेवाः बौद्धत न्हापा न्हापा महायानी बौद्ध धर्मावलम्बि जक खः । लिपा नेपाः दुने श्रावकयान धकाः स्थविरवादया भिक्षुपिं नं आपालं दयावल । वज्रयानी बौद्धकथं आचाः लुयाः कर्मकाण्ड पूजा पाठ याइपिं वज्राचार्य गुरुजुपिं जुलसा भिक्षु लुयाः शाक्यपिं जुल । बौद्ध धर्मय् वज्रयानया विकास यायेत वज्राचार्य, शाक्य […]

मनूतय्गु जीवनय् नखःचखःया महत्व तसकं दयाच्वंगु दु । नखःचखतं मनूतय्त आनन्द व सुख कायेत अवसर बियाच्वनी । थःगु जीवनयात माथं न्ह्याकेगु अवस्थाय् न्ह्याब्लें व्यस्त जुयाच्वंगु अवस्थाय् नखःचखतं छुं कथंया आनन्द बिइगु याइ । उलिजक मखु झी नेपाःमितसें माने याना वयाच्वनागु नखःचखतं व्यावहारिक जीवनयात थीथी कथयां अवसर चूलाका बिउ । नखःचखतं सुख दुःखया अनुभव ब्याकाब्यू । समाजय् च्वनापिं नाप स्वापू तयाः […]

मोहनिया बिदा शुरु जुइ निन्हु न्ह्यः येँ महानगरपालिकाया वडा नं २५ या थाय्मदु त्वालय् लाःगु त्वाःछेँ (सामुदायिक भवन) य् २४ घण्टे सुचं तिकल । सुचनय् महानगरपालिकां उगु भवन वडाया जूगु दावी यासें बालं च्वनाच्वंगु पसःयात थःगु सामान चीकेत निर्देशन बियातःगु जुल । २४ घौ लिपा नगर प्रहरीया छगू बथान वयाः डोजर चले यायेगु कुतः यात । स्थानीयतय्सं निगू […]