न्ह्यइपुख्यः

छम्ह करोडपति साहुं छगू तसकं तःधंगु रेस्टुराँय् डिनर यात । बिल वःबलय् वं वेटरयात द्वःछि वंगु नोट छपा टिप बिल । उलिमछि ध्यबा टिप कायेखनाः वेटर लय्ताये हे मलाःनि, साहुं वयात मुक्का नकाः वयागु मिखा मना वयेकाबिल । हल्लाखल्ला जुल । मेनेजरं सःतूगुलिं अन पुलिस थ्यंकः वल । पुलिसं साहुयाके अज्याःगु व्यवहार छाय् यानागु धकाः […]

छम्ह मिजं कलाकार व छम्ह मिसा कलाकारयात नेपाः सुपरस्टार धकाः घोषणा यानाः म्हतिं छगू छगू लख तकाया सिरपालं छाय्पीगु धकाः नाय्खिं च्वयेकूगु ताःदत । क्वछिना कथं नेपाल संवत् ११३९या न्हूदँकुन्हु थ्व सिरपालं छाय्पीगु ज्या जुइमाःगु खः तर कारणवश जुइमफुत । थन उगु ज्याझ्वः मजूगु खँयात सिबें थ्व कासाय् दुमथ्याःपिनि बारे दुवालेगु कुतः याये । ज्याझ्वःया भाला क्वबियाच्वंगु संस्था […]

येँ –  नेपालभाषाया बहुप्रतिक्षित फिल्म जामनः गुभाजु न्हापांगु प्रदर्शन यायेगु तयारीया झ्वलय् बिहिवाः फिल्म दयेकेत ग्वाहालि याःपिंत सम्मान याःगु दु ।जामनः गुभाजु न्हापांखुसी क्यनेगु बारे जानकारी बिइगु निंतिं याःगु पत्रकार सम्मेलनया झ्वलय् फिल्म दयेकेत ग्वाहालि याःगु थीथी संस्था व व्यक्तिपिनि म्हसिका बिसें वय्कःयात हनेज्या याःगु खः । फिल्म कन्हय् शनिवाः बागबजाः हे सिटीम्याक्स हलय् न्हापांखुसी प्रदर्शन जुइत्यंगु […]

मछाः मजू ला फ्वनाः नयेत ? छम्ह मिसां छम्ह फ्वगिंयात ब्वःबिल, ‘थपाय्सकं हट्टाकट्टा तिनि, ल्याय्म्ह तिनि । मेहनत यानाः ज्या छाय् मयानागु ?’ ‘केहेँ मय्जु’ फ्वगिं नं धाल, ‘छिं नं ला थपाय्सकं तुइसे च्वं, थपाय्सकं बांलाः । छि नं ला मुम्बइ वनाः हिरोइन जूमवंसे छेँय् हे च्वंच्वनादिल ।’ ‘आसे’ ल्यासें धाल, ‘जिं छंगु लागि छुं हयाबी ?’ ह्ह्ह् छगू डिपार्टमेन्ट स्टोरय् […]

येँ– राष्ट्रिय विभूति शंखधर साख्वाःयात लुमंकाः शंखधर दिवस हनाच्वनासां यक्व न्हू पुस्तां शंखधरया योगदान बारे मसिउ जुइ । सामान्य व्यापारी शंखधरं उगु इलय् देशय् च्वंपिं सकसिगुं त्यासा पुलाः जनतायात त्यासां मुक्त यानाः नेपाल संवत् सुरु याःगु खः । शंखधरं देय्या जनतायात ऋण मुक्त यानाः नेपाःया मौलिक संवत् नेपाल संवत् सुरु याःगुलिं हे थौं झिंछसः दँ […]

येँ – ऐतिहासिक व्यक्तित्व जामनः गुभाजु बारे दयेकूगु नेपालभाषा संकिपाः ‘जामनः गुभाजु’या न्हापागु प्रिमियम शो थ्वहे वइगु शनिवाः क्यनीगु जूगु दु । बागबजारय् च्वंगु सिटीम्याक्स हलय् सुथय् ९ व १२ बजे निगू शो क्यनेगु तयारी जुयाच्वंगु दु । जेस्सी पेन्नि इन्टरटेनमेन्ट व द वाइल्ड बुल प्रोडक्सनपाखें दयेकूगु थ्व फिल्मया निर्देशन रवि साय्मिं यानादीगु दु । फिल्मया निर्देशक […]