सिन्डिकेट चायेकेगु कुतः !

येँ – भौतिक यातायात व पूर्वाधार मन्त्री रघुवीर महासेठं यातायात सिन्डिकेटयात निरन्तरता बीगु कुतः यानाच्वंगु खँ सीदुगु दु । न्हापा सिन्डिकेट याना वयाच्वंगु २४५ गू व्यवसायीया बैंक खाता चायेकेगु लागिं मन्त्री महासेठं तयारी यानाच्वंगु खँ सीदुगु दु । व्यवसायीया बैंक खाता चायेका बीत अर्थ मन्त्रालयं राष्ट्र बैंकयात पत्रचार याःगु दु ।

आः तक स्वंगू व्यवसायिक संस्थाया खाता चायेकेत पौ वःगु खँ राष्ट्र बैंकं धाःगु दु । खाता चायेकेगु निंतिं यातायात, गृह व अर्थ मन्त्रालयं मंकाः कथं बैंकयात पौ च्वःगु खः । थःगु नां कने चाहे मजूम्ह छम्ह कानुन अधिकृतं धाःसा बैंकय् दुगु फुक्कं ध्यबा नियम संगत जम्मा जुइमाःगु खँ धासें यदि गैर कानुनी खःसा उगु ध्यबा व्यवासयीयात लित बी मजिउगु खँ धाःगु दु ।