नेपालभाषाय् मय्जुपिनिगु योगदान विषयय् अमेरिकाय् अन्तरक्रिया

येँ- अमेरिकाय् च्वंपिं नेवाःतय् संस्था नेवाः अमेरिकन दबूया ग्वसालय् नेपालभाषाया च्वमि नापं सह प्राध्यापक प्रेमहिरा तुलाधरलिसें ‘नेपालभाषाया ख्यलय् मय्जुपिनिगु योगदान’ विषयय् छगू अन्तरक्रिया ज्याझ्वः जुल । ज्याझ्वलय् मय्जु तुलाधरं नेपालभाषा ख्यलय् मिसापिंसं म्हिता वयाच्वनादीगु थीथीकथंया भूमिका व योगदानयात कयाः थःगु नुगःखँ तयादीगु खः ।

दबूया नायः उदय महर्जनया सभापतित्वय् जूगु ज्याझ्वलय् वय्कलं हे लसकुस यानादीगु खःसा पुलांम्ह नायः केशरमान ताम्राकारं मय्जु तुलाधरया म्हसीका बियादीगु खः । अथे हे ज्याझ्वलय् मय्जु तुलाधर व वय्कःया जहान सर्वज्ञरत्न तुलाधरयात नेवाः परम्पराकथं ख्यें सगं बियाः हनेज्या नं याःगु खः । दबूया न्वकु श्रद्धाकमल ताम्राकार व छ्यांजे सर्वज्ञधर तुलाधरं वय्कःपिंत खादां न्ययेकाः हनादीगु खःसा नायः महर्जनं हनापौ देछानादीगु खः ।

सम्बन्धित बुखँ

LEAVE YOUR COMMENTS