ख्वना बन्द सफल

येँ (नेपालभाषा टाइम्स) – वंगु शनिवाः ख्वनाया खुदोलय् वाःपीगु झ्वलय् स्थानीय वासिन्दायात दमन याःगु विरोधय् म्हिगः ख्वना बन्द ज्याझ्वः सफल जूगु दु। बन्दया झ्वलय् स्थानीयवासीपिंसं यल महानगरपालिका २१ वडाया ज्याकू नं बन्द यानाबिउगु खः ।

बन्द लिपा म्हिगः ख्वनाय् छगू कोणसभा जूगु दु। कोण सभाय् नेवाः न्ह्यलुवा डा. महेशमान श्रेष्ठ, ज्यापु महागुथिया नायः राजभाइ जकःमि, सतक विस्तार पीडित संघर्ष समितिया नायः सुमन साय्मि, श्यामकृष्ण प्रजापति, नेपाल डंगोल, बुंगमति सरोकार समितिपाखे अष्टबहादुर डंगोल, महेन्द्र कर्माचार्य आदि व्यक्तिपिंसं आन्दोलनयात समर्थनय् न्ववानादीगु खः ।