धमाथुली खुसिं चुइकाः छम्ह सित

येँ – थनया धमाथुली महादेव खुसिं चुइकाः छम्ह मनू सीगु दु । तारकेश्वर नगरपालिका–६ या स्थानीय प्रकाश पुर्कुटी खुसिं चुइकाः सीगु खः । प्रहरीं धाः कथं सीम्ह पुर्कुटी स्थानीय लागाय् निर्माण मजदुर कथं ज्या याइम्ह खः । येँ प्रहरी परिसरया प्रमुख विश्वराज पोखरेलं खुसिबालं चुइके हःगुलिं पुर्कुटी मदुगु पुष्टि यानादीगु दु ।

महादेव खुसिं वयात धमाथूनिसें चुइकाहःगु खबर वयेवं प्रहरीं मालेज्या याःगु खःसा मदुम्ह पुर्कुटीया शव जलंगाया ताँ लिक्क प्रहरीं लुइकूगु खः । आः शवयात पोष्टमार्टमया निंतिं टिचिङ अस्पताल महाराजगञ्जय् तयातःगु दु । अथेहे येँय् म्हिगः मोटरसाइकल दुर्घटनाय् लानाः छम्ह सीगु दु ।

येँ मनपा वडा २ नारायणहिति दरवारया उत्तरध्वाखाय् दुर्घटना जुयाः मोटरसाइकल चालक सोलुखुम्बु केरुङ–५ या विशाल तामाङ सीगु खँ महानगरीय ट्राफिक प्रहरी महाशाखाया प्रवक्ता सुरेन्द्र मैनालीं कनादीगु दु ।तसकं ब्वाकाः चले याना वःगु बा. ७ प ७८४३ नम्बरया मोटरसाइकल नियन्त्रण याये मफयेवं पल्टे जुयाः तामाङ बांमलाक घाःपा जूगु खःसा लिपा वयात राष्ट्रिय ट्रमा सेन्टरय् वासः यायेगु झ्वलय् अन हे मदुगु खः ।

सम्बन्धित बुखँ

LEAVE YOUR COMMENTS