जग्गाया दोहोर स्वामित्व अन्त्य जुइगु

येँ – सरकारं मोहियानी हकय् दोहोरो स्वामित्व अन्त्य यायेत्यंगु दु । वइगु भदौ ४ गते लिपा जमिनय् मोहियानी हक लगे मजुइगु जूगु दु । कृषि, भूमि व्यवस्था तथा सहकारी मन्त्रालयं भदौ ४ गते लिपा जमिनय् मोहियानी हक कायम मजुइ स्पष्ट याःगु खः । मंगलवाः छगू सूचं जारी यासें मन्त्रालयं उगु खँ धाःगु खः ।

सुचनाय् मोहियानी हक दुपिं जग्गाधनीपिंसं निवेदन बियाः थःगु जमिन कायेगु निंतिं वइगु भदौ ४ गते दुने निवेदन बीत नं इनाप यानातःगु दु ।मन्त्रालयं वइगु २०७६ साल भदौ ४ गते दुने मोहियानी हक सम्बन्धी निवेदन छिनोफानो यानाः जमिनय् कायम दुगु दोहोरो स्वामित्व अन्त्य यायेत्यंगु खः ।२०७५ भदौ ४ गते दुने मोहियानी हक कायम दुगु मोहि व जग्गा धनीं आवेदन बीफइगु खँ धाःगु दु ।

मन्त्रालयं वइगु २०७६ साल भदौ ४ गते दुने मोहियानी हक सम्बन्धी निवेदन छिनोफानो यानाः जमिनय् कायम दुगु दोहोरो स्वामित्व अन्त्य यायेत्यंगु खः

वयां लिपा २०७६ भदौ ४ गते दुने जग्गाय् कायम जुयाच्वंगु दोहोरो स्वामित्व अन्त्य जुइगु खँ धाःगु दु ।मन्त्रालयं वंगु वैशाख २३ गते सार्वजनिक याःगु कृषि, पशुपंक्षी, भूमि व्यवस्था तथा सहकारी क्षेत्रया रुपान्तरणया मार्ग चित्र २०७५ य् दछिया दुने मोहि सम्बन्धी समस्या पूवंक ज्यंकेगु खँ न्ह्यथनातःगु दु । उगु हे मार्गचित्र कथं मन्त्रालयं मोहियानी समस्या समाधान इकाई स्वनाः जमिनय् कामय दुगु दोहोरो स्वामित्व अन्त्य यायेत्यंगु खः ।

मन्त्रालयं भूमिसुधार व मालपोत कार्यालययात जग्गा बाँडफाँडया निंतिं मोहि व जग्गाधनीपाखें निवेदन बीत वा धकाः सूचं प्रवाह यायेत, दुहांवःगु निवेदनयात तदारुकताया लिसें छानबिन यानाः बाँडफाँड निर्णय यायेत, बाँडफाँडय् छुं समस्या दुसा समाधानया नितिं विभागय् छ्वयाहयेत नं निर्देशन बिउगु दु । लिसें थुगु ज्याया प्रगति विवरण विभाग व मन्त्रालय छ्वयाहयेत नं निर्देशन बिउगु दु ।

 

 

 

सम्बन्धित बुखँ

LEAVE YOUR COMMENTS