महर्जनया सीम्ह नेपाः हयेगु व्यवस्थ यायेत माग
येँ(नेपालभाषा टाइम्स)÷ प्रतिनिधिसभा सदस्य जीवनराम श्रेष्ठं अन्तर्राष्ट्रिय माउन्टेन बाइकर नारायणगोपाल महर्जनया सीम्ह नेपाः हयेगु निंतिं व्यवस्था यायेत सरकारया ध्यानाकर्षण यानादीगु दु । महर्जन श्रीलंकन एअरलाइन्सया ग्वसालय् ‘रुम्बल इन जंगल’ नारा बियातःगु जूगु अन्तर्राष्ट्रियस्तरया माउन्टेन बाइक कासाय् ब्वति कायेवं श्रीलंका वंगु इलय् अनया छगू खुसिइ कुतुं वनाः मदुगु खः ।
राजधानी कालेम्बो स्वयां २३० किलोमीटर तापाःगु खुसिइ कुतुं वनाः मदुगु खःसा मदुम्ह महर्जनया आर्थिक अवस्था कमजोर जूगु धासें सरकारं सीम्ह नेपाः हयेत विशेष पहल यायेमाःगु नापं पीडितया छेँजःपिंत क्षतिपूर्ति बीत नं इनाप यानादिल ।
LEAVE YOUR COMMENTS