किपा कासा व ब्वज्या जुइगु

येँ – फोटो पत्रकार क्लब (पीजे क्लब)या ग्वसालय् किपा कासा व ब्वज्या जुइगु जूगु दु । क्लबं नेपाःया फोटोग्राफी व फोटो पत्रकारितायात राष्ट्रिय व अन्तर्राष्ट्रिय क्षेत्रय् प्रवद्र्धन यायेगु उद्देश्यं उगु ज्याझ्वः यायेत्यनागु जानकारी बिउगु दु ।क्लबं थन छगू पत्रकार सम्मेलन यासें आईएमइ–ग्लोबल आईएमइ बैंक किपा कासा व ब्वज्या यायेत्यनागु घोषणा याःगु खः ।

नेपाःया फोटोग्राफी व फोटो पत्रकारितायात राष्ट्रिय व अन्तर्राष्ट्रियस्तरय् प्रवद्र्धन यायेगु ल्याखं जुइत्यंगु उगु किपा कासाय् न्हय्गू विधा दुथ्याइगु नं जानकारी बिउगु दु । क्लबया अध्यक्ष विकास कार्कीं कासाय् संस्कृति, व पर्यटन, वन्यजन्तु व प्रकृति, दैनिक जीवन, समाचार, कासा, फोटो बाखं, नेपाल स्माइल्स यानाः न्हय्गू विधा दुथ्याःगु जानकारी बिउगु दु ।

कासाय् दुथ्याःगु किपा मध्ये समाचार विधाया फोटो २०७४ बैशाख १ निसें २०७४ चैत मसान्ततकया दुने कयातःगु किपातं जक ब्वति काये दइगु सीमा क्वःछिनातःगु दुसा मेमेगु विधाय् धाःसा छुं नं सीमा क्वःछिनातःगु मदु ।

नेपालभाषा टाइम्स

च्वमिया मेमेगु

• चित्तरन्जन नेपालीयात लुमंकल
• मतया तार भूमिगत यायेगु ज्या बेवारिस
• निम्ह साहित्यकारया थौं बिचाः मुँज्या
• एमालेया संकल्प यात्रायात पहिचानवादीया हाथ्या
• शरणार्थी काण्डय् गुम्हेसित कुना हे तइगु