बागीश्वरीया पुलांपिं विद्यार्थीतय्त सम्मान

ख्वप –  बागीश्वरी माविइ अध्ययन याःपिं पुलांपिं विद्यार्थीतय् मुँज्या विद्यालयया थःगु हे भवन परिसर च्याम्हसिंहय् जुल । वि.सं. २०४१ निसें २०६५ सालतकया दुने विद्यालयपाखें एलएसी उत्तीर्ण याःपिं विद्यार्थीतय् उगु मुँज्या जूगु खः ।मुँज्याय् विद्यालयया पुलांम्ह प्रधानअध्यापक मोहनप्रसाद प्रजापतिं सहभागी सकसितं सिन्हः तिकाः नःलास्वां बियाः सम्मान यानादीगु खः ।

मुँज्याय् पुलांम्ह प्रधानअध्यापक प्रजापति नापं वर्तमान प्रधानाध्यापक कृष्णप्रसाद धन्छा व सहायक प्रधानअध्यापक ज्ञानसागर प्रजापतिपिसं थःथःगु नुगः खँ कनादीगु खः । विद्यार्थीतय् दथुइ जूगु मुँज्याय् थःथःगु अनुभव व अनुभूति नं न्यकेगु ज्या जूगु खः ।

ज्याझ्वलय् छसिकथं २०४१ साल ब्याचया विश्वबहादुर दुवाल, २०४४ सालया ब्याचया कृष्ण प्रजापति, २०४८ सालया ब्याचया रुपेश प्रजापति, सत्यराम प्रजापति विकल नापं च्याम्ह विद्यार्थीयात वय्कःपिंसं थःथःगु ज्याय् बियादीगु योगदानयात कया हनेज्या नं याःगु खः ।

सम्बन्धित बुखँ

LEAVE YOUR COMMENTS