जैशिदेगलय् न्हापांगु इन्टर दोजाङ तेक्वान्दो
येँ – जैशिदेवल युथ क्लब व जैशिदेव तेक्वान्दो दोजाङया मंकाः ग्वसालय् न्हापांगु इन्टर दोजाङ तेक्वान्दो कासा जुल । क्लबया अध्यक्ष राजेश प्रजापतिया सभापतित्वय् जूगु ज्याझ्वलय् मूपाहांकथं रिलायन्स फाइनान्सया प्रमुख कार्यकारी अधिकृत अनिल श्रेष्ठ झायादीगु खःसा विशेष पाहांकथं नेपाल तेक्वान्दो संघ बागमति प्रदेश अध्यक्ष केशव पुरी, येँ महानगरपालिका वडा नं. २१या वडाअध्यक्ष उदय चुडामणि वज्राचार्य व नेपाली सेनाया प्रमुख सेनानी रोहित श्रेष्ठ झायादीगु खः ।
अथे हे पाहांकथं नेपाल भारत मैत्री समाजया अध्यक्ष प्रेम लस्कर, हनुमानध्वाखा दरवार संरक्षण कार्यक्रम प्रमुख रोशन शाक्य, नेपाल तेक्वान्दो संघ बागमति प्रदेशया महासचिव हरिहर ढुंगाना, सचिव उमेश नकःमि, निम्बस सहकारीया अध्यक्ष प्रविणबहादुर श्रेष्ठ, तेक्वान्दो संघ येँ जिल्लाया अशोक खड्का झायादीगु खः ।
मुक्कं झिंन्हय्गू पुचलय् जूगु कासाय् समूह ‘ए’लय् रानीकुमारी, ईरिका खड्गी व निकेन श्रेष्ठ, समूह ‘बी’या कासाय् सुप्रिया खत्री, करिश्मा थापा, विधि क्षेत्री, समूह ‘सी’इ सुदिन कपाली, संजिव श्रेष्ठ व सोहन बस्नेत, समूह ‘डी’इ संगम बस्नेत, आर्य लामा, श्रीजन खत्री छसिकथं न्हाप, लिउ व लियां लिउ लाःगु खः ।
थुकथं हे समूह ‘इ’ पाखे विकी कुमार, आयुष भुजेल व सुनिल महर्जन, समूह ‘एफ’या कासाय् प्रंहसु कर्माचार्य, विशेष रंजित व अनिष महर्जन, समूह ‘जी’या कासाय् श्रृष्टि पोखरेल, रुपा तलागी, कविता बानिया, समूह ‘एच’या कासाय् प्रजिन श्रेष्ठ, रिजन तामाङ, सौरभ थापा, समूह ‘आई’या कासाय् राजाबाबु श्रेष्ठ, युनिङ श्रेष्ठ व सुशान्त लामा न्हाप लिउ व लियांलिउ लाःगु खः।
समूह ‘जे’या कासाय् रिसान तामाङ, जिगर रानामगर, सुजित पोद्दार, समूह ‘के’पाखे आस्ना मगर, सोनि बानिया, सक्षिा श्रेष्ठ, समूह ‘एल’पाखे हेमन्त पाठक, सन्देश राई व प्रशान्त रंजित, समूह ‘एम’य् समर्थध्वज जोशी, निजन भण्डारी व स्वनिगः श्रेष्ठ न्हाप, लिउ व लियांलिउ लाःगु दुसा समूह ‘एन’निसें ‘क्यू’तकया कासाय् रोजन प्रजापति, समिर लामा व जेसनध्वज नकःकि, झरना थापामगर, जानु दिपकार व सुप्रिया जोशी, राहुल लिम्बु, राजीव गुरुङ व सन्दिप राई, निरज ठकुरी व सुदेश लिम्बु छसिकथं न्हाप, लिउ व लियांलिउ लाःगु दु ।
कासाय् सुप्रिया खत्री व निरज ठकुरी उत्कृष्ट मिसा व मिजं काासाम जुइत ताःलाःगु दुसा पुम्से कासाय् मिसापाखे मुबेक्षा गजुरेल, आस्ना राणा व झरना थापा, मिजंपाखे स्वनिगः श्रेष्ठ, प्रसन्न रंजित व रोजन प्रजापति उत्कृष्ट कासामि जुइत ताःलाःगु दु।
कासाय् विजयी जुयादीपिंत मूपाहां, विशेष पाहां व पाहांपिंसं पदक, दसिपौ व ट्रफी लःल्हानादीगु खःसा उत्कृष्ट कासामिपिंत नेपाल चलचित्र संघया अध्यक्ष मधुसुदन प्रधानं नगद पुरस्कारलिसें ट्राउजर लःल्हानादीगु खः । महासचिव चन्द्रगोपाल प्रधानं लसकुस यानादीगु ज्याझ्वलय् पाहांपिंत मतिनाया चिं नं लःल्हाःगु खःसा कासाय् मुक्कं १७५ म्ह कासामिं ब्वति काःगु खः।
LEAVE YOUR COMMENTS