ख्वपया स्कूलय् कला-संस्कृति दुथ्याःगु थःगु हे पाठ्यक्रम

ख्वप -ख्वप नगरपालिकां थःगु नगर दुने स्कूल तगिमय् ब्वंकीगु पाठ्यसामाग्री तयार याःगु दु । आः याकनं हे थुकियात ब्वंकेगु ज्या नापं सुरु जुइगु खँ धाःगु दु । ख्वप नपां ख्वपया हे आवश्यकतात दुथ्याकाः थ्व न्हूगु पाठ्यक्रम तयार याःगु खः । आःयात नमूनाया रुपय् १ व ६ तगिं यानाः निगू तगिमय् जक निं थ्व न्हूगु पाठ्यक्रम ब्वंकीगु खँ धाःगु दु । वयां लिपा छसिकथं मेमेगु तगिमय् नं ब्वंकेगु सुरु जुइ ।

न्हूगु पाठ्यक्रमय् ख्वपया मौलिक कला, संस्कृत, जीवनशैली बारे यक्व पाठ दुथ्याकातःगु दु । सुं नं नेपाःमिं सुं नं विदेशीया न्ह्यःने थःगु देश व जःखःया अवस्था बारे कने माल धाःसा निर्धक्क जुयाः कने फयेमा धइगु हे थ्व पाठ्यक्रमया उद्देश्य जूगु खँ ख्वप नगरपालिकाया मेयर सुनिल प्रजापतिं कनादीगु दु ।

न्हूगु व्यवस्था कथं स्थानीय निकायं हे शिक्षाया जिम्मेवारी कायेगु नियम वःसां थःगु लागाया आवश्यकता कथं थःपिंसं हे पाठ्यसामग्री दयेकाः स्कूलय् ब्वंकेगु तयारी याःगु निकाय मध्ये ख्वप नपा न्हापांगु निकाय जूगु दु । थज्याःगु हे ज्याय मेमेगु स्थानीय निकायतय्सं नं यायेमाःगु खँ धाःगु दु ।

सम्बन्धित बुखँ

LEAVE YOUR COMMENTS