ज्यापु दिवसया निंतिं प्रधानमन्त्रीयाथाय् ग्वयदां

येँ – झिंच्याक्वःगु ज्यापु दिवसया निंतिं प्रधानमन्त्री शेरबहादुर देउवायात ब्वनापौ लःल्हाःगु दु । समारोहया निंतिं आइतवाः सुथय् प्रधानमन्त्री निवास बालुवाटरय् वनाः परम्परागत कथं ग्वय्दां तयाः ब्वनापौ लःल्हाःगु खः ।

प्रधानमन्त्री निवास थ्यंपिं ज्यापु दिवस समारोह समितिया पदाधिकारीत लिसे सहलह यासें प्रधानमन्त्री देउवां स्वनिगःया सम्पदा व संस्कृतिया संरक्षणय् आदिवासी जनजाति ज्यापु समुदायया तःधंगु योगदान दुगु खँ धयादिल ।

वइगु पुस ४ गते बसन्तपुली जुइगु समारोहया मू पाहाँ जुइगु निंतिं प्रधानमन्त्री देउवायात ग्वय्दां लःल्हाःगु खः । ग्वय्दां तयेगु निंतिं ग्वसाः खलः ज्यापु संस्कृति विकास कोष व झिंच्यागू ज्यापु दिवसया संयोजक त्वाः गोफः त्वाः माकः गल्ली ज् यापु समाजया पदाधिकारीपिं थ्यंगु खः । थ्व झ्वलय् ज्यापु संस्कृति विकास कोषया उपाध्यक्ष सन्तकुमार महर्जनं दँय्दसं ज्यापु दिवस व यःमरि पुन्हि कुन्हु सार्वजनिक बिदा बिया वयाच्वंगुलिं थगुने निसें सम्बन्धीत जातियात जक बिदा बीगु याःगुलिं आवंनिसें हाकनं सार्वजनिक बिदा बीत प्रधानमन्त्रीयात इनाप यानादीगु खः ।

सम्बन्धित बुखँ

LEAVE YOUR COMMENTS