पहिचानया निंतिं नेवाः–ताम्सालिङया ज्याझ्वः

यल – नेवाः ताम्सालिङ समन्वय समितिया ग्वसालय् पहिचानया सन्दर्भय् नेवाः ताम्सालिङ विषयय् छगू अन्तक्र्रिया ज्याझ्वः जुल । ज्याझ्वलय् न्ववानादिसें नेवाः न्ह्यलुवाः मल्ल के सुन्दरं आन्दोलन आदिवासी भूमिइ केन्द्रित जुइगु, पहिचान ल्यंका तयेत समावेसी समानुपातिक प्रतिनिधित्व दयेमाःगु, उत्पीडनय् लानाच्वंपिं आदिवासीतय्त विशेषाधिकार बियाः संरक्षण यासें विकास यानायंकेमाःगु खँ तयादीगु खः ।

अथेहे तामाङ अभियन्ता पशुराम तामाङं प्रदेश नं. ३ या नां नेवाः–ताम्सालिङ नामांकन यायेमाःगु, संविधानया ब्याख्या अनुसार स्वनिगलय् सरकारी कामकाजी भाय् नेवाः व तामाङ बाहुल्यता दुगु थासय् तामाङ भाय् लागु याये माःगु खँ न्ह्यथनादिल ।नेवाः देय् दबूया नायः नरेश ताम्राकारं नेवाः–ताम्सालिङ समन्वय समितिया औचित्य बारे न्ह्यब्वयादीगु खः ।

ज्याझ्वलय् न्ववानादिसें संयोजक शाक्य सुरेनं नेवाः व तामाङ छथाय् च्वनाः न्ह्याःमवंक जनजाति आदिवासीतय्गु पहिचानया नापनापं भूमि ल्यंकातये फइमखु धयागु तायेकाः नेवाः तामाङ छथाय् च्वनाः थीथी ज्याझ्वः न्ह्याकावनेगु तातुना थुगु ज्याझ्वः यानागु खँ कनादिल ।

सम्बन्धित बुखँ

LEAVE YOUR COMMENTS