अनलाइन नेपालभाषा साहित्य गोष्ठी

येँ – लकडाउनया कारणं देय् छगुलिं ठप्प जुइवं मनूतय्सं थःथःगु छेँय् हे च्वनाः आपालं कथंया ज्याखँ याना वयाच्वंगु दु । गुलिखे मनूतय्सं छेँय् च्वनाः अनलाइन मार्फत थःगु अफिसया ज्या यानाच्वंगु दुसा गुलिस्यां छेँय् च्वनाः अनलाइनपाखें बैठक न्ह्याकाच्वंगु दु । थ्वहे झ्वलय् ख्वपया विराट नेपालभाषा साहित्य सम्मेलन गुथिं अनलाइन मार्फत सोमवाः ‘नेपालभाषा ई-साहित्य गोष्ठी’ ज्याझ्वः यात ।

विराटया पुलांम्ह नायः लिसें वर्तमान सल्लाहकार त्रिरत्न शाक्यं उलेज्या यानादीगु उगु अनलाइन साहित्य गोष्ठी जूम क्लाउड मिटिङ नांगु एप्सपाखें सञ्चालन याःगु खः । ज्याझ्वलय् नेपाः दुने लिसें नेपालं पिने च्वंपिं साहित्यकारपिंसं थःथःगु छेँय् हे च्वनाः रचना पाठ यानादीगु खः ।

उकी छसिकथं गोबिन्दमान श्रेष्ठ, त्रिरत्न शाक्य, भगतदास श्रेष्ठ, केबलप्रसाद कायस्थ, राजभाइ जकःमि, श्याम आशा, कृष्णभक्त बोडे, नारद बज्राचार्य, डा. पुष्पराज राजकर्णिकार, डा. बालगोपाल श्रेष्ठ, श्रीलक्ष्मी श्रेष्ठ, सुधिर ख्वबि, पुष्परत्न तुलाधर, जुजुकाजी रंजित, नवीनप्रकाश श्रेष्ठ, नरेश अमात्य, राजेन्द्र रंजित, महेन्द्रराज शाक्य, प्रदीप शाक्य, तेजकृष्ण श्रेष्ठ, रेणु श्रेष्ठ, ओमकृष्ण श्रेष्ठ, अमिरमैंया रंजित, रेखा शाक्य, हरिगोबिन्द भोंमी, बाबुकाजी सुवाल, कविन्द्रलाल प्रधान, सोना तचामो व बिके माकजु यानाः २९ म्ह साहित्यकारपिंसं थःपिनि रचना पाठ यानादीगु खः ।

ज्याझ्वः गुथिया नायः महेन्द्रगोपाल कर्माचार्यं संयोजन यानादीगु खःसा प्राविधिक व्यवस्थापन विजय कर्माचार्यं यानादीगु खः ।

सम्बन्धित बुखँ

LEAVE YOUR COMMENTS