बुद्धकृष्णं म्ये प्वाः खनीगु

थिमि -थिमिया बोडेय् दँय्दसं जुइगु म्ये प्वाःखनीगु जात्राय् थुगुसी नं बुद्धकृष्ण बागः श्रेष्ठं म्ये प्वाः खनीगु जूगु दु । दँय्दसं वैशाख २ गते बोडेय् थ्व जात्रा जुइ । भाजु श्रेष्ठं थुगुसी च्याक्वःगुखुसी म्ये प्वाः खनेत्यंगु खः ।

कोरोना महामारीया कारणं थगुने थ्व जात्रा नं मजूगु खः । म्ये प्वाःखनीगु जात्रा दिउगु व हे न्हापांखुसी जूगु खँ इतिहासविद्तय् धापू दु । थुगुसी नं कोरोना संक्रमण अप्वया वःसां बिस्काः जात्रा लिसें म्ये प्वाःखनीगु जात्रा जुइत्यंगु दु । थिमि नगरपालिकां थुगुसी बिस्काः लिसें छुं नं जात्रा मदिकेगु सुचं पितबीवं म्ये प्वाःखनीगु जात्रा नं जुइगु जूगु खः ।

थगुने तसकं कोरोना संक्रमण जुयाच्वंगु इलय् भाजु श्रेष्ठ कोरोना संक्रमित ल्ह्यइगु एम्बुलेन्स चले यानादीम्ह खः ।