भदौ २४ व २५ निन्हु येँया निजी स्कुल बन्द
येँ (नेपालभाषा टाइम्स)/शिक्षा विधेयकया विरोधय् निजी स्कुलतय्सं थ्वहे भदौ २४व २५ गते निन्हु तक येँया निजी स्कुल बन्द यानाः हडताल याइगु जूगु दु । निजी स्कुलतय् संस्था नेशनल प्याब्सनं थ्व हडताल यायेत्यंगु खः । स्कुलयात गैरनाफामूलक दयेकेगु, छात्रवृत्ति बीमाःगु आदि प्रावधान विरुद्ध थ्व हडताल यायेत्यंगु खः । थ्व हडतालं येँया फुक्क हे स्कुलय् ब्वनेज्या ठप्प यायेगु खँ उमिसं धाःगु दु । वयां लिपा १९ गतेनिसें चरणवद्ध आन्दोलन यायेगु खँ धाःगु दु ।
LEAVE YOUR COMMENTS