महाकवि सिद्धिदास महाजुया बुन्हि हन

येँ (नेपालभाषा टाइम्स) महाकवि सिद्धिदास महाजुया १५७ दँ बुन्हिया लसताय् म्हिगः पिहां वयाच्वंगु नसंचा हुला । नेपालभाषा मंकाः खलः, सिद्धिदास स्मृति समाज, सिद्धिदास सिरपाः समिति व मच्छेन्द्र क्लबया मंकाः ग्वसालय् जूगु उगु नसंचा उलेज्याय् महाकविया किपायात बग्गीइ तयाः चाःहीकूगु खः । बग्गीइ ज्याथम्ह साहित्यकार फणीन्द्ररत्न वज्राचार्य व सुवर्णकेशरी चित्रकार च्वनादीगु खः ।

भोताहितिइ सिद्धिदासया झ्वाता दुथासं न्ह्याःगु उगु ¥याली थःने व क्वःने चाःहिलाः जनबहालय् थ्यंकाः क्वचाःगु खः । ज्याझ्वलय् नेपाली सेनाया ब्याण्ड बाजं, बाँसुरी बाजं लिसें आपालं भाषाह्यमि व थीथी स्कुलया विद्यार्थीतय्सं ब्वति काःगु खः ।