माओवादी पूर्व लडाकूतय् जनमुक्ति सेनां पार्टी

येँ – माओवादीया पूर्व जनमुक्ति सेनां नं पार्टी चायेकूगु दु । विश्व सर्वहारा वर्गया महान् नेता लेनिनया जन्म न्हिकुन्हु लाकाः वंगु बैशाख ९ गते माओवादी पूर्व जनमुक्ति सेना पार्टी नेपाल गठन याःगु खः । थन जूगु छगू भेलां श्रमजीवि, शोषित, उत्पीडित समुदायया मुक्ति मजूगु ठहर यासें देशय् दुने अझ नं बोल्सेभिक कम्युनिष्टतय्गु आवश्यकता आम मुक्तिकामी जनताया निंतिं आवश्यक जूगु महसुस यासें पूर्व जनमुक्ति सेना पार्टी गठन याःगु खः ।

रञ्जित गुरुङया अध्यक्षताय् गठन जूगु पार्टी ९५ म्ह केन्द्रीय दुजः दुथ्याः । थ्व हे झ्वलय् पार्टीया महासचिव विकल्प नेपालीया नेतृत्वय् राष्ट्रियता, जनताया जीविकोपार्जन व साम्यवादी गणतन्त्रलिसे सम्बन्धित थीथी १४ गू बुँदाया ज्ञापन पौ सिंहदरवारस्थित प्रधानमन्त्रीया ज्याकू, प्रधानमन्त्री केपी ओली, नेकपा (माओवादी केन्द्र)या केन्द्रीय ज्याकू, उगु पार्टीया अध्यक्ष पुष्पकमल दाहाल व गृहमन्त्री रामबहादुर थापा नापं वय्कःया ज्याकूयात वंगु बैशाख १३ गते लःल्हाःगु दु ।

उगु पार्टीं थौंकन्हय् नेपालय् जुयाच्वंगु भारतीय विस्तारवाद विरुद्ध नं प्रेस विज्ञप्ती जारी यासें सीमा लागाय् जुयाच्वंगु अतिक्रमण व भारतीय प्रधानमन्त्री नरेन्द्र मोदीया न्ह्यःने वयाच्वंगु नेपाः भ्रमणयात कयाः नं आलोचनालिसें विरोधया ज्याझ्वः हयेगु तयारी याःगु दु ।

नेपालभाषा टाइम्स

च्वमिया मेमेगु

• तिलौराकोटयात नं विश्व सम्पदा धलखय् दुथ्याकीगु
• किपुली बुंगद्यःया झ्वाता पलिस्था विवाद ः वार्ता यानाः हे समाधान मालीगु
• ज्वेल्स सहकारीया वृहत् स्वास्थ्य शिविर
• बजाः अनुगमनयात निरन्तरता, व्यापारीत भागाभाग
• साहित्य मन्दिरया झिंस्वक्वःगु तँमुँज्या