धौख्यः सिडियोयात धर्मोदयया ज्ञापन

येँ (नेपालभाषा टाइम्स)÷धौख्यःया विहारय् च्वनाबिज्याइम्ह वयोवृद्ध भिक्षु गुणघोष भन्तेयात हातपात यानाः घाःपाः याःगु घटनायात कयाः धर्मोदयसभां म्हीग धौख्यःया सिडिओ–यात ज्ञापनपौ बिउगु दु । ज्ञापनपौ बीगु झ्वलय् जूगु सहलहलय् धर्मोदयसभाया प्रतिनिधिपिंसं थज्याःगु घटना हाकनं दोहारे मजुइमा धकाः माग याःगु खः ।  उकथं हे धौख्यलय् च्वंगु मेमेगु नं बिहारया सुरक्षाय् ध्यान बीत नं सिडिओ सूर्यप्रसाद सेढाईयात इनाप याःगु दु ।

लिसलय् सिडिओ सेढाईं थम्हं जिल्ला प्रहरी कार्यालयलिसे सहलह यानाः सुरक्षा क्वातुकेगु आश्वासन बियादीगु खँ धर्मोदयसभाया महासचिव सागरमान वज्राचार्यं ‘नेपालभाषा टाइम्स’ यात कयादीगु दु । आक्रमणकारीं लुटे याःगु ध्यबा भन्तेयात हे लित बीमाःगु माग नं धर्मोदय सभां याःगु दु ।

नेपालभाषा टाइम्स

च्वमिया मेमेगु

• झीगु सःया निसःब्व थ्यन, निम्ह संचारकःमि सम्मानित
• बालेनया जय जयकार सुनियोजित धइगु पुष्टि
• यँयाःयात झःझः धायेकीम्ह पुलुकिसि
• कन्हय् महाकविया किपा बग्गीइ तयाः चाःहीकीगु
• राजदूतया खँय् नेकां–एमाले ल्वापु