धर्मोदय सभापाखें भत्सर्ना

येँ (नेपालभाषा टाइम्स)- संघ उपनायक भिक्षु गुणघोष महास्थवीरयात वंगु बिहिवाः चान्हय् जूगु आक्रमणयात कयाः धर्मोदय सभां भत्सर्ना याःगु दु । बुद्ध शासनीय क्षेत्रय् तसकं सक्रिय ८४ दँ दयेधुंकूम्ह भिक्षुयात जूगु थ्व आक्रमण नेपाःया बौद्ध धर्मावलम्बीतय् जूगु कुर्कमया नं तसकं क्रूर रुप जूगु खँ सभां धाःगु दु । सभां आइतवाः छगू वक्तव्य पिथँसें थज्याःगु असहनिय कुकर्म याःम्ह अपराधीयात याकनं ज्वनाः कडा कारवाही यायेत माःगु दु । अथेहे भिक्षुगणपिनि सुरक्षाया निंतिं सरकारं माःगु उपाय तुरुन्त नालेत नं सभां माग याःगु दु ।