
येँ (नेपालभाषा टाइम्स)- येँया असनय् च्वंगु ऐतिहासिक यिताचपाःया छेँया जग स्वंगु दु । म्हिगः सुथय् छगू ज्याझ्वःया दथुइ थीथी व्यक्तित्वपिसं न्यागः कलश स्वनेगु ज्या याःगु खः । कलश स्वनेगु झ्वलय् वडा अध्यक्ष योगेशकुमार खड्गीं छगः कलश, पुलांपिं वडा अध्यक्षपिं चिनियाँमान वज्राचार्य व विजय नारायण मानन्धरं छगः कलश, वडा दुजःपिं दिनेश श्रेष्ठ व धर्म प्रजापतिं छगः कलश नीस्वनादीगु खः ।
उकथं हे वडा दुजः सृष्टि कंसाकार तुलाधर व प्रभा परियारं छगः कलश नीस्वंगु खःसा वडा सचिव मधु पाण्डे व अन उपस्थिति असंत्वाःया ज्येष्ठ नागरिक पूर्णकाजी तुलाधरं छगः कलश स्वनादीगु खः ।
जग स्वनेगु ज्याझ्वलय् येँ महानगरपालिका सम्पदा विभाग प्रमुख कुमारी राई व इन्जिनियर गौरव श्रेष्ठया नं उपस्थिति दुगु खः ।
LEAVE YOUR COMMENTS