बालमन्दिरया जग्गाबारे २० म्हेसित पुर्जी

येँ (नेपालभाषा टाइम्स)- नक्सालस्थित बालमन्दिर जग्गा विवादयात कयाः २० म्हेसित पक्राउ पुर्जी जारी याःगु दु । बालमन्दिरया तत्कालीन अध्यक्ष रीता सिंह, पुलांपिं पदाधिकारीपिं तुलसीनारायण सिंह, गणेशभक्त श्रेष्ठ, सुमन शाक्य, कृष्णशंकर साह, श्यामकुमार आले, सुवासकुमार पोखरेल विरुद्ध पक्राउ पुर्जी जारी याःगु खः ।

उकथं हे गोपाल श्रेष्ठ, प्रचण्डराज प्रधान, कामकाजी कोने, योगेन्द्रबहादुर शाही व दिपकदास श्रेष्ठ विरुद्ध नं पक्राउ पुर्जी जारी जूगु दु । अथे हे वृहस्पति स्कुलया पुलांपिं सञ्चालक चिरञ्जीवी तिवारी, प्रविणराज जोशी व मुरारी निधि तिवारी, पुरुषोत्तमराज जोशी, श्रद्धा संघाई, अभिनव सिंघनिया, सिद्धार्थ केडिया व कीर्तिप्रसाद पाण्डे विरुद्ध नं पक्राउ पुर्जी जारी जूगु दु । संघाई, सिंघनिया व केडिया विशाल ग्रुपलिसे सम्बन्धितपिं खःसा थ्वहे ग्रुपं बालमन्दिरया जग्गा बालं काःगु खः । बालमन्दिरपाखें म्हिगः सीआईबीयात जाहेरी बिउगु खः ।

२०२१ सालय् नक्सालय् च्वंगु सिता भवन अधिग्रहण यानाः सरकारं बाल संगठनया नामय् ११९ रोपनी १२ आना ३ पैसा जग्गा तःगु खः ।

सम्बन्धित बुखँ

LEAVE YOUR COMMENTS