ने. सं. ११४६ चाैलागा त्रयोदशी - थिमि बालकुमारी जात्रा

यलय् ज्वंपिंत त्वःतेत देय् दबूया माग

येँ- बुंगद्यःया रथयात्राया झ्वलय् यलय पुच्वय् ज्वनायंकूपिंत बिना सर्त तुरुन्त ससम्मान त्वःतेत नेवाः देय् दबूपाखें माग याःगु दु ।

देय् दबूया मूछ्याञ्जे माइलाबाबु द्योलां शुक्रवाः छगू व्यक्तव्य पिथनादिसें नागरिकया स्वतन्त्रतापूर्वक धर्मसंस्कृति हनेगु, जात्रापर्वय् ब्वति कायेदइगु व उकीया रक्षा व संरक्षण यायेगु मौलिक हक व मानवअधिकारया सम्मान यायेत नेपाल सरकारया इनाप याःगु दु । पुच्वय् बुंगद्यःया रथजात्राया झ्वलय् नेपाल सरकारपाखें अनावश्यक बल प्रयोग यानाः स्वस्फूर्त रथ सालाच्वंपिं भक्तजन व सम्पदाप्रेमीतय्त याःगु धरपकडयात कयाः देय् दबूलिं विरोध याःगु दु ।

अथेहे जात्रा स्वयेत वःपिं भक्तजनपिंत पहिचान यानाः कर्फ्यूया इलय् नेपाल प्रहरीं छेँछँय् वनाः ज्वनायंकेगु ज्यां मानवअधिकार हनन जूगु धासें ज्वंपिंत तत्काल त्वःतेत माग याःगु दु ।