३ नम्बरय् चुनाव हे जुइगु सम्भावना

येँ – एमालेया भागय् मुख्यमन्त्री लाःगु ३ नम्बर प्रदेशय् एमाले संसदीय दलया नेता ल्ययेगु लागिं अन्ततः चुनाव हे याये मालीगु अवस्था वःगु दु । दलया नेता जुइगु लागिं तःम्हमछि सांसदतय्सं इच्छा क्यना हःगु जूगुलिं नेता ल्ययेत चुनाव हे याये मालीगु अवस्था वयेत्यंगु खः । सूत्रतय्सं धाः कथं आः तक दलया नेता जुइगु लागिं अष्टलक्ष्मी शाक्य, केशव स्थापित, डोरमणि पौडेल, सानु श्रेष्ठ व राजेन्द्र पाण्डें इच्छा प्वंकाहःगु दु । सहमतिया लागिं कुतः जुयाच्वंगु दु । यदि कुतः ताःमलात धाःसा माघ २६ गते चुनाव हे याये मालीगु खँ धाःगु दु । सहमतिया लागिं कुतः जुयाच्वंगुलिं आः थथें सुनां नं पिने न्ववाये मछिनाच्वंगु खँ नं धाःगु दु ।