फणीन्द्ररत्न वज्राचार्यया ‘वज्राचार्य’ व ‘येँ देय्या महाविहार’ सफू पितब्वज्या

येँ (नेपालभाषा टाइम्स)÷ वज्राचार्य क्लबया ग्वसालय् वंगु शनिवाः खुसिबुँस्थित नेपाः ब्यांक्वेटय् जूगु छगू ज्याझ्वःया दथुइ चक्रेश्वर फणीन्द्ररत्न वज्राचार्यया निगू सपूmया पितब्वज्या जुल ।

क्लबया नायः सर्जु वज्राचार्यया सभापतित्वय् जूगु उगु ज्याझ्वलय् चक्रेश्वर फणीन्द्ररत्न वज्राचार्यं च्वयादीगु ‘वज्राचार्य’ व ‘येँ देय्या महाविहार’ नांगु निगु सफू मूपाहां बौध्द विद्वान यज्ञमानपति वज्राचार्य, विशिष्ट पाहांपिं येँ महानगरपालिकाया उपप्रमुख सुनिता डंगोल, नेवाः देय् दबूया केन्द्रीय नायः पवित्र वज्राचार्य, धर्माेदय सभाया महासचिव सागरमान वज्राचार्य, बागमती प्रदेशया सांसदपिं शैलेन्द्र वज्राचार्य व नुरज वज्राचार्य, येँ महानगरपालिकाया सम्पदा तथा पर्यटन विभागया संयोजक नापं येँमपा ८ वडाया अध्यक्ष आशाराम संगत, डा. राजेन्द्रमान वज्राचार्य व वज्राचार्य क्लबया अध्यक्ष सर्जु वज्राचार्यपिंसं मंकाः कथं उलेज्या यानादीगु खः ।

अथे हे ज्याझ्वलय् च्वमिया म्हसीका निर्मलरत्न वज्राचार्यं बियादीगु खःसा सफूया विश्लेषण डा. राजेन्द्रमान वज्राचार्यं यानादीगु खः । ज्याझ्वलय् चचा म्येलिसें चिचीधिकःपिं मिसामस्तय्सं चचा प्याखं हुलाः क्यंगु खः ।उगु हे ज्याझ्वलय् दीक्षा कयाबिज्याःपिं खुज्वः गुरूजु व गुरूमापिंत दोसल्लां न्ययेकाः हनापौ बियाः विशेष हनेज्या नं याःगु खः ।

नेपालभाषा टाइम्स

च्वमिया मेमेगु

• ख्वपय् सम्यकया तयारी
• तोखाय् घ्यःचाकु संल्हूकुन्हु चाकु दिवस
• आयुसंस्कार परित्याग दिवसयात कयाः सहलह
• अर्घाखाँची नेवाः समाजया साधारणसभा व अधिवेशन
• डेलावेयर नेवाः पुचःया यःमरि पुन्हि ज्याझ्वः