स्नातकयात हानं स्वदँ हे याइगु

येँ (नेपालभाषा टाइम्स)- त्रिविविया न्हूम्ह उपकुलपति प्रा.डा. केशरजंग बरालं त्रिविविं न्ह्याकाच्वंगु प्यदँया स्नातक कोर्शयात आः हानं स्वदँय् हे क्वत हयेगु खँ कनादीगु दु । म्हिगः त्रिविविइ थःगु कार्यभार ग्रहण यायेगु झ्वलय् वय्कलं थ्व खँ धयादीगु खः ।

त्रिविविं वंगु २०७१÷०७२ निसें व्यवस्थापन संकायपाखे स्नातक (डिप्लोमा) तह प्यदँ दयेकूगु खः । तर थ्व प्यदँया कोर्श तसकं ताःहाकः जूगु व थुकिं यानाः अभिभावकतय् लगानी बढे जूगुया नापं त्रिविया कार्य सञ्चालनयात नं असहज याना बिउगु धासें प्रा.डा. बरालं थ्वयात स्वदँ यायेगु खँ धयादीगु खः ।

अमेरिका थेंज्याःगु देशय् स्नातक तह प्यदँ यानातःसां जःलाखःला देय् भारत लगायत युरोपया नं आपालं देशय् स्वदँ हे यानातःगु खँ नं वय्कलं कनादिल ।

नेपालभाषा टाइम्स

च्वमिया मेमेगु

• भाषासेवी विष्णु चित्रकार मंत, कन्हय् जगतसुन्दर ब्वनेकुथिइ अन्तिम श्रद्धाञ्जलीया निंतिं तइगु
• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत