दुर्गालालया मचा कविताया डिजिटल सफू

येँ – जनकवि दुर्गालाल श्रेष्ठं थीथी इलय् च्वयादीगु खुपु मचा चिनाखँया डिजिटल सफू पिहांवःगु दु । द एशिया फाउन्डेशनया ग्वाहालिं सृजनालयं पिकाःगु सफूया प्रकाशन धाःसा सफू पब्लिकेशनं याःगु खः । जनकवि श्रेष्ठं च्वयादीगु ‘धाप्लां ख्याः’, ‘पुलुपुलु गेरा’, ‘न्याउ न्याउ’, ‘इमू व मरि’, ‘हे माकः’ व ‘खाचा व हेँय्चा’ नेपालभाषा, खस नेपाली व अंग्रेजी भासं पिहांवःगु खः ।

खस नेपाली भासं जनकवि थम्हं हे अनुवाद यानादीगु खःसा अंग्रेजी भासं महेन्द्र मान सिं अनुवाद यानादीगु व मुना गुरुङ, सारारे बज्राचार्य व निरञ्जन कुँवरं सम्पादन यानादीगु खः । खुपु मचा चिनाखँयात कलाकारपिं सम्भव महर्जन, आशीस शाक्य, सुमन महर्जन, मृगजा बज्राचार्य, बिनिता बुद्धाचार्य व सुरेन्द्र महर्जनं कलात्मक चित्रण यानादीगु खः ।