चितवनय् हानं खने दत कोरोना

येँ (नेपालभाषा टाइम्स)- चितवनय् झिला लिपा कोरोना संक्रमण खनेदुगु दु । भरतपुर अस्पतालं धाःकथं वंगु आइतवाः व म्हिगः याःगु बिस्कं बिस्कं परीक्षणय् २९ दँ व ६६ दँ दुपिं निम्ह मिजंतय्के कोरोना संक्रमण खनेदुगु खः ।

अस्पतालय् निमोनियाया वासः याकेत वःम्ह ज्याथया कोरोना परीक्षण याःबलय् संक्रमण पुष्टि जुइवं वयात अस्पतालय् हे तयाः वासः याःगु दुसा मेम्हेसित होम आइसोलेसनय् छ्वया बिउगु दु । जिल्लाय् लिपांगु इलय् चैत महिनाय् कोरोना संक्रमण खनेदुगु खः । कोरोना खनेदयेवं स्वास्थ्य कार्यालयं फुकसित सतर्क जुइत इनाप याःगु दु । लिसें सामाजिक दुरी कायम यायेत, माक्स छ्यलेत व साब्वनं ल्हाः सिलेत नं सुझाव बिउगु दु ।