येँय् थौं बान्हि तक मत स्याइगु

येँ (नेपालभाषा टाइम्स)-नेपाल विद्युत प्राधिकरणं थौं सुथंनिसें येँया थीथी थासय् मत स्याइगु जूगु दु । प्राधिकरणया कथं टेकुस्थित सबस्टेशनय् ४५ एमभीए क्षमताया ट्रान्सफर्मर स्तरोन्नति यायेत्यंगुलिं येँया थीथी थासय् मत स्यायेत्यंगु खः ।

उगु सबस्टेशनं मत आपूर्ति जुइगु स्वास्थ्य सेवा विभाग परिसर, भिंद्यःत्वाः, रामघाट, मरुहिति, ढोकात्वाः, क्षेत्रपाटी, ढल्को, ब्रम्हुत्वाः, जोशी देगः तक मत स्याइगु खँ धाःगु दु । उकथं हे ज्याबहाः, चिकंमुगः, झोछेँ, ओबहाः, भोटेबहा, यंगाः, लगं महाबौद्ध, भोताहिति, असनय् मत बन्द जुइ । अथे हे थाय्मदु, वंघः, लुँहिति, सेन्ट्रल जेल, रंगशाला, न्हूसतक, हनुमानध्वाखा दरबार स्क्वायर, रविभवन, सोल्टीमोड, सुनारगां, आर्मी हस्पिटल, नख्खु चोक, बागडोल, धोबिधारा, मलपोखरी, धोबिघाट लगायत क्षेत्रय् मत वइ मखु ।

नेपाल विद्युत प्राधिकरणं थौं सुथय् ९ बजे निसें १ बजे तक मत आपूर्ति बन्द जुइगु जानकारी म्हिगः छगू सुचं म्हिगः जारी यासें बिउगु खः ।