च्वबहाःस्थित सुक्खा बन्दरगाह निजी क्षेत्रयात संचालन याकेबिइत सम्झौता

येँ (नेपालभाषा टाइम्स)- येँया चोबहालय् च्वंगु सुक्खा बन्दरगाह संचालनया जिम्मेवारी निजी क्षेत्रयात बिउगु दु । वंगु सोमवाः समिति व ट्रान्स नेपाल टीआरएस लोजिपार्क प्रा.लि.दथुइ बन्दरगाह संचालन सम्झौताय् ल्हाःचिं जूगु खः । न्यादँया नितिं २ करोड ८८ लख रकम न्यूनतम सट्टापट्टा बहाल व नियम कथं महसुल बाँडफाँट यायेगु कथं सम्झौताय् ल्हाःचिं जूगु खः ।

समितिं वंगु साउन ९ गते टेण्डर आह्वान याःगुलि ट्रान्स नेपाल व न्यू नेपाल ढुवानी सेवा कम्पनीं ब्यूगु आवेदनय् समितिं प्राविधिक मूल्यांकनपाखें ट्रान्स नेपालयात बन्दरगाह संचालन अनुमति बिउगु खः । करार सम्झौता समितिया निर्देशक युवक डंगोल व संचालक कम्पनीया पाखें प्रबन्ध निर्देशक मुकेशकुमार राठीं ल्हाःचिं तःगु खः । समितिया कार्यकारी निर्देशक आशिष गजुरेलया कथं संस्थां न्यूनतम शुल्क कयाः स्तरीय सेवा बियाः वार्षिक १ अर्ब ३० करोडसिबें अप्वः आम्दानी यानाच्वंगु खः ।

निजी क्षेत्रया व्यवस्थापनपाखें अझ नं बांलाक्क बन्दरगाह संचालन जुइगु वया विश्वास दु ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु