झिंप्यंगू किलो लुँ सहित निम्हेसित ज्वन

येँ (नेपालभाषा टाइम्स)- त्रिभुवन विमानस्थलय् झिंप्यंगू किलो लुँ सहित निम्हेसिन ज्वंगु दु । विमानस्थस्थित भन्सार कार्यालयं बुधवाः चान्हय् फ्लाइ दबुइया उडान नं. एफजेड ५७३ पाखे वःपिं गोरखाया मीनबहादुर घले व मेम्ह छम्हेसित लुँ सहित वंगु दु ।

घलें कापतय् प्वःचिनाः म्हय् घानावःगु न्हय्कू बिस्कुट आकारया झिंप्यंगू किलोग्राम लुँ ज्वनावःगु खः । घले बिउगु सुचंया हे आधारय् मेम्हेसित ज्वनागु खँ काठमाडौं उपत्यका प्रहरी कार्यालयया प्रवक्ता वरिष्ठ उपरीक्षक दिनेशराज मैनालीं कनादीगु दु । ज्वंपिं निम्हेसितं कोटेश्वर प्रहरी प्रभाहय् हःगु खःसा अनुसन्धानया निंतिं आः त्रिभुवन विमानस्थल कार्यालय गौचरणय् बुझे याइगु जूगु दु । घटना बारे थप अनुसन्धान जुयाच्वंगु खँ प्रवक्ता मैनालीं धयादीगु दु ।