ने. सं. ११४६ चिल्लागा अष्टमी - शितलाष्टमी, दु दु च्याँच्याँ

बुद्धजयन्तीया लसताय् येँ–हेटौडा ब्वाज्या

येँ – दँय्दसं थें थुगुसी नं राष्ट्रिय धावक रत्न तुलाधर बुद्ध जयन्तीया लसताय् येँनिसें हेटौडा थ्यंक ब्वाँय् वनीगु जूगु दु । वय्कः नापं निम्ह मिस्त सहित च्याम्ह बौद्ध परिसरं बैशाख १४ गते उखे वनेत्यंगु खः । लाइन्स क्लब अफ काठमाडौं खास्तिया ग्वाहालिं थ्व ज्या जुइगु खँ धाःगु दु ।

थीथी च्यागू संस्थाया ग्वाहालिं थ्व ब्वाज्या जुइ ।वय्कः नापं राष्ट्रिय धावकपिं मय्जु दिपिका राई, हुमि बुढामगर, जयराम लामा, शेरबहादुर थारु, दामोदर बुढामगर, रुपलाल बुढामगर, महेन्द्र गुभाजू व नारायण नापितपिं उखे वनेत्यंगु खः ।