ने. सं. ११४४ कौलाथ्व पारू - नःलास्वनेगु

गुथि संस्थानय् शाक्यया पुनर्वहाली

येँ (नेपालभाषा टाइम्स)÷-सरकारं चीकूम्ह गुथि संस्थानया प्रमुख प्रशासक किरण शाक्ययात सर्वोच्च अदालतं आःया लागिं पुनर्वहाली याःगु दु । शाक्यं थःत चीकूगु अवैध धासें सर्वोच्चय् रिट तःगु खःसा म्हीग सर्वोच्च अदालतं वय्कःयात चीकेगु निर्णय कार्यान्वयन याये मतेनि धासें अन्तरिम आदेश बिउगु खः । अदालतया आदेश लिपा शाक्यं आः कन्हय् थः अदालत वनाः आदेशया कपी ज्वनाः गुथि संस्थानय् हाजिर जू वनेगु खँ कनादीगु दु ।