बजारय् चिनी मालेत स्वंगू पुचः

येँ (नेपालभाषा टाइम्स)-प्रधानमन्त्री व मन्त्रिपरिषद् ज्याकूया नेतृत्वय् स्वनिगलय् अवैध रुपं सुचुका तःगु चिनी मालेगु लागिं स्वंगू पुचः परिचालन याइगु जूगु दु ।
स्वनिगःया स्वंगुलिं जिल्लाया जिल्ला प्रशासन ज्याकूया अधिकारी ९सीडीओ, नापतौल व गुणस्तर विभाग, वाणिज्य विभाग, आन्तरिक राजस्व ज्याकू लगायतया टोली परिचालन जूगु जाकारी प्रधानमन्त्री व मन्त्रिपरिषद् ज्याकुथिं बिउगु दु ।

थ्व सम्बन्धय् च्वंगु बैठकय् सहभागी छम्ह अधिकारीं धाःगु दु, ‘स्वनिगलय् चिनीया खोजतलास यायेत स्वंगू टोली परिचालन जूगु दु । नेपाल प्रहरी लगायत जिल्ला प्रशासन कार्यालय, नापतौल, आन्तरिक राजस्वलिसे सम्बन्धित फुक्क निकाय अनुगमनय् सहभागी जूगु दु ।’

छुं ई न्ह्यः प्रधानमन्त्री कार्यालयं नेपाल प्रहरी, सशस्त्र प्रहरी व राष्ट्रिय अनुसन्धान विभागया उच्च अधिकारीपिनि दथुइ चिनी अनुगमनबारे सहलह ब्याकूगु खः ।

स्वनिगः दुने वंगु मोहनिया इलय् आकाझाकां चिनी गायब जूगु खः । सरकारं छगू चिनी गोदामय् छापा मारे यायेवं बजारय् चिनी न्याये मदुगु खः । मोहनिया इलय् चिनी न्यायेगु मदयाः मनूतय्सं किलों १४० तका तक पुलाः न्यायेमाःगु खः । वहे चिनी साल्ट टे«डिङं धाःसा अबले किलों ९७ तका जक कयाः मियाच्वंगु खः ।