पञ्चकन्या माइयात शेयर पितबीत स्वीकृति

येँ -११ करोड तकाया साधारण शेयर पितबीगु जूगु दु । धितोपत्र बोर्डं पञ्चकन्यायात शेयर निस्कासनया निंतिं स्वीकृति बी धुंकूगु दु । थ्व कम्पनीं १८.१ मेगावाटया आयोजना दयेकाच्वंगु दु ।
कम्पनीं ११ करोडया साधारण शेयरया सिें प्रभावि क्षेत्रया निंतिं ११ करोड तकाया हे शेयर पितिबीत्यंगु दु ।
१ अर्ब ५ करोड तका लागत तूगु थ्व योजनाया निंतिं ३६ प्रतिशत शेयर पाखें उठे यायेत्यंगु ख । आयोजनां शेयर पिकायेगु निंतिं सनराइज क्यापिटलयात विक्री प्रबन्धक नियुक्त यानातयेधुंकूगु दु ।
थ्वहे झ्वलय् चौतारी लघुवित्तं न्यागू करोड ४० लाख तका बराबरया आइपिओ पिकायेत धितोपत्र बोर्डय् निवेदन तःगु दु । थौंकन्हय् १२ करोड ६० लाख चुक्ता पुँजी दुगु थ्व लघुवित्तया शेयर पिहां वयेवं चुक्ता पुँजी १८ करोड थ्यनी । बुटवल केन्द्रीय कार्यालय दुगु थ्व लघुवित्तयात झिगू जिल्लाय् ज्या यायेगु अनुमति बियातःगु दु ।